Mən Hüseyni məzhəbəm şahın qulu
Yə`ni kim mə`nidə Allahın qulu
Ey Xətayi padşah olmaz kişi
Olmayınca uş bu dərgahın qulu.

Gər Əlinin mülki-insandır yeri
Dər həqiqət ərşi-Rəhmandır yeri
Ey Xətayi kimdə var mehri-Əli
Rəhməti-Həq baği-Rizvandır yeri.

Mən məvali məzhəbəm rahım Əli
Hacətim zikrim nəzərgahım Əli
Oldu Ənqa tək Xətayi bivücud,
Qafi - qüdrət, sirri - Allahım Əli.

Ya Əli səndən mədət sənsən vilayət sahibi,
Gülşəni ədli-həqiqətdə imamət sahibi,

Eyni nurdan xəlq edibdir Xaliqi - Sübhan bizi
Tərifində çün buyurmuş Ol risalət sahibi

Şəninizdə nazil olmuş Həl - əta vu Adiyat
Böylə vermiş qiymətin vəhyində qüdrət sahibi

La fəta illa Əli (ə) La seyfə illa Zülfüqar,
Tək səninçün nazil etmiş, cümlə xilqət sahibi

Cəng meydanında yoxdur bir kişi həmta sənə,
Elm meydanında da yox bir rəqabət sahibi

Sən elə bir sirrisən ki, sirri - Bismillahisən,
Fəxr edir çakərliyində hər kəramət sahibi

İsmi - ə`zəmdir mübarək isminiz məşhurudur,
Şad olar sidq ilə gər, səslənsə hacət sahibi

Ya Əmirəl - Muminin vəsfində acizdir qələm,
Ey şücaət, ey səxavət, ey xilafət sahibi

Ya qəsimən- nari vəl- cənnəh şəfi ' ol Talibə,
Əfvin üçün gər deyilsə, ol ləyaqət sahibi

Müəllif: Şah İsmayıl Xətai