İmam Səccad (ə)-dan hədislər (hissə 1)
İmam Səccad (ə) : " Yaradılış məqsədiniz haqqında düşünün və ona əməl edin. Çünki Allah sizi əbəs yerə yaratmamışdır."
İmam Səccad (ə) : "Cəhənnəm odundan qorxan şəxs günahlarından tövbə edər."
İmam Səccad (ə) : " Allahın ən xoşu gələn şey budur ki, insan Onu tanıdıqdan sonra qarnını və cinsiyyət üzvlərini haramdan qorusun."
İmam Səccad (ə) : "Əgər bir şəxs səni söydükdən sonra üzür istəyərsə, onu bağışla."
İmam Səccad (ə) : "Pis işi tərk etməkdən çəkinmə; bu pis əməllərlə məhşur olsan da belə."
İmam Səccad (ə) : "Ən qiymətli adam dünyanın kim əlində olmasına etina etməyəndir."
İmam Səccad (ə) : " İstər kiçik olsun, ya böyük, istərsə ciddi olsun, ya zarafat üzü ilə - yalan danışmaqdan çəkin. Həqiqətən, kiçik yalan danışan kəs böyük yalanada cəsarətlənər."
İmam Səccad (ə) : "Cammat elm oxumağın faydalarını bilsəydilər, qanları axıdılmaqla, dəryalara baş vurmaqla olsaydı da belə, yenə təhsil ardınca gedərdilər."
İmam Səccad (ə) : "İşin ən yaxşı başlanğıcı doğruluq və onu (uğurla) sona yetirən isə vəfadarlıqdır."
İmam Səccad (ə) : "İnsanların ən yaxşısı, Allahın vacib buyurduqlarına əməl edən şəxisdir."
İmam Səccad (ə) : "Hər kəs Allah talanın ona vacib etdiyi şeylərə əməl etsə, onda o, ən yaxşı insanlardandır."
İmam Səccad (ə) : "Yalandan uzaq olun istər kişik olsun, istər böyük; istər ciddi olsun, istərsə də zarafat. Çünki, əgər bir nəfər kiçik yalanlara adət etsə, böyük yalanlara da cürət tapar."
İmam Səccad (ə) : " Yaxşı və saleh insanlarla oturub-durmaq insanı layiqli olmağa vadar edir..."
İmam Səccad (ə) : "Günahkarlarla yoldaşlıqdan, zalımlara kömək etməkdən uzaq olun."
İmam Səccad (ə) : "Hər kəs Allaha və sileyi-rəhmə görə ailə qursa, Allah onun başına izzət tacı qoyar."
İmam Səccad (ə) : "Mömin bəndədə üç xasiyyət olarsa həlak olmaz: Allahdan başqa heç bir məbudun olmamasına şəhadət vermək, Onun şəriki olmadığına inanmaq, Rəsuli-əkrəmin şəfaətinə və Allahın rəhmətinin genişliyinə inanmaq."
Əli ibni Hüseyn əlehissalamdan soruşdular: "Ey Rəsuləllahın övladı, səhərin necə açıldı? Buyurdu: Səhərim elə bir halda açıldı ki, məndən səkkiz şey istənilirdi:
1. Allah məndən vacibatı yerinə yeirməyimi,
2. Peyğəmbər (s) öz sünnəsinə əməl etməyimi,
3. Əhli-əyalım ruzini,
4. Nəfsim nəfsani istəklərə cavab verməyimi,
5. Şeytan günah etməyimi,
6. (Əməllər yazan) iki mələk düzgün əməli,
7. Ölüm mələyi ruhumu,
8. Qəbir isə cəsədimi istəyir. Mən də bu xislətlər arasında idim."
İmam Səccad (ə) : "Bütün xeyirləri, xalqın əlində olana göz dikməməkdə gördüm."
İmam Səccad (ə) : "Allahım! Məni öz cəzanla ədəbləndirmə və öz məkrinə düçar etmə."
İmam Səccad (ə) : "Fərəc intizarını çəkməyin özü ən böyük qurtuluşlardandır."
İmam Səccad (ə) : "Mömin salamat olmaq üçün sükut edir və faydalanmaq üçün danışır."
İmam Səccad (ə) : "Möminin beş əlaməti vardır: xəlvət və təklikdə olanda pəhrizkar olmaq, yoxsulluq zamanı sədəqə vermək, bəlalar müqabilində səbrlilik, qəzəblənəndə həlimlik və qorxu olmasına baxmayaraq doğruçuluq."
Kitabın adı: Məsumlardan 3333 hədis
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6704
Bu gün: 0
