Məbəs günü münasibətilə..
Ey könül sidq ilə şad ol ruzi - Məb`əsdir bu gün,
Məb`əsi xətmi-rüsul ol zati - əqdəsdir bu gün....
Bar - İlahi qüdrətindən yox kənar bir iş ola,
Əmr elə badi - səbayə mərhəmət əsdir bu gün.
Et qəbul lütfünlə dərgahə açılmış əlləri,
Zülmkarın tut əlin qəhrinlə sən kəsdir bu gün.
İqrə bismi - rəbbikə aləm yığılsın təbrikə,
Ol Əmini - vəhydən gəlmiş həmən səsdir bu gün.
Olmasa bir başqa gün Talib əgər ömrün boyu,
Hər iki aləmdə xoşbəxt olmağa bəsdir bu gün.
Şöhrətin tutdu bütün Məkkə Mədinə Hələbi
Yovmi-mövludun olub bizlərə eydi-tərəbi
İsmi-pakındı bütün zikrlərin müstəcəbi...
"Ey vücudin əsəri, xilqəti-əşya səbəbi,
Nəbi ol vəqt ki, bilfe`l gərəkməzdi nəbi."
Şəbi-Me`racidə seyr eylədin ərşi-fələki
Əqlin heyrətdə qoyub insilə cinnü mələki
Nəsəbi-əslinə dair deyilibdir necə ki
"Seyyidi-əbtəhiyü məkkiyü ümmiyyü zəki,
Haşimiyyü mədəniyyü qüreşiyyü ərəbi."
Eylədi mahi şikəst, nuri-camalın bədri
Hükəma, hikmətin açmaqda deyər, la ədri
İntəha vəsfinə yox, zikr oluna hər qədri
"Səbqəti-zat ilə eyvani-risalət sədri,
Şərəfi-əsl ilə fehristi-rüsul müntəxəbi."
Kə`beyi-kuyinə, müştaqdu çox hüccacun
Bəhrsən, kamil edər, nəqsə yetə əmvacun
Bu səbədəndi, nəbilər də sənin möhtacun
"Əzmi-çərx etdi Məsiha ki, bula me`racın,
Yetmədi mənzili-məqsudə təriqi-tələbi."
Bilmişik, cümleyi-lövlakdə müzmərdir kim
Şöhrətin aləm-ara, Şəmsi-münəvvərdir kim
Sizə haşa, bu məratibdə bərabərdir kim?
"Ənbiyadən kimə sən tək bu müyəssərdir kim,
Adəmə vəchi-mübahat ola izzü nəsəbi."
Deyilibdür, səbəbi-xilqəti-əşya sənsən
Xaliqə bəndə ikən, ümmətə Mövla sənsən
Bu şərafətlə, bütün aləmə dara sənsən
"Xələfi-mö`təbəri-Adəmü Həvva sənsən.
«Cəələllahü fədaən ləkə ümmi və əbi»."
Buyurubsuz Əlidir bab, mənəm şəhri-ülum
Fəxr edər, çakəriniz olsa əgər, Qeysəri-RUM
Vagirəm, mültəmisəm, əfv ola çürmi-qüsurum
"Ya Nəbi, qılma Füzulini qapından məhrum,
Əfv qıl var isə dərgahdə tərki-ədəbi."
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6704
Bu gün: 0
