Ayətullah Bəhcət İmam Mehdi (ə.f) barədə
İmam Mehdi (ə.f) buyurur: "Mənim qeybdə olmağım (qeybdə olan zaman faydam), günəşin bulud arxasında olması (zaman verdiyi faydası) kimidir”.
Bu barədə Peyğəmbərdən (s) də hədis nəql olunmuşdur. Peyğəmbərdən (s) "Sizin gəlişi uzun çəkəcək, qeybdə olacağını dediyiniz 12-ci varisiniz (xəlifəniz) olan Mehdinin (ə.f) bizə nə kimi faydası olacaq?” – deyə soruşdular. Peyğəmbər (ə) cavabında buyurdu: "Onun faydası bulud arxasında olan günəşin insanlara verdiyi fayda kimi olacaq”.
Bulud arxasında olan günəşin aləmə nə kimi faydası vardır?! Şüası aləmə gəlib çatdığı kimi, nuru (aydınlığı) və faydası da aləmə gəlib yetişir. Sən özün öz (gözlərinin önündə olan) hicabını qaldır, şüası və nuru sənə də gəlib yetişəcək.
Günəşin şüasının qarşısını alan bu bulud isə mənim hicabımdır, mənim günahlarımdır, mənim qəflətimdir, mənim səhvlərimdir və mənim böyük günahlarımdır. Mənim üçün hicaba çevrilən və Mehdinin (ə.f) nurunun qarşısını alan məhz bunlardır.
"Şəms” surəsini hamınız oxumusunuz. Allah-Taala həmin surədə buyurur: "And olsun günəşə və onun işığına (günəşin qalxdığı vaxta); And olsun (günəşin) ardınca çıxan aya; And olsun onu (günəşi) parlaq edən gündüzə”.
Allah bir-birinin ardınca üç şeyə (Günəşə, Aya və gündüzə) and içir. Ayədəki "günəş” Peyğəmbərə (s) işarədir. "Ay” möminlərin əmiri həzrət Əlidir (ə). "Gündüz” isə Höccət ibn əl-Həsəndir (ə.f) - And olsun onu (günəşi) parlaq edən gündüzə”.
Müəllif: Mərhum Ayətullah Bəhcət