Salam olsun sənə ey aləmdəki qadınların Xanımı Fatimə (s.ə)
Əssəlamu ələyki ya bintə Rəsulillah.
Əssəlamu ələyki ya bintə Xəlilillah.
Əssəlamu ələyki ya bintə Nəbiyyillah.
Əssəlamu ələyki ya bintə həbibillah.
Mənim anam həyalıdı,
Mədinənin maralıdı.
Yavaş qoyun məzarına qolu sınıb yaralıdı,
Yandı canım anacan.
Hicrin ilə ağlayıram,
Yoxdur dərdimə dəva
Sənə ümüd bağlayıram.
Ya Zəhra!
Qəbrünnən qayıdıb gələndə Əli,
Zeynəbi ağlayan görəndə Əli.
Onların halətin biləndə Əli,
Aləmə od salıb ürək dağladı
Balalara səs verib oda ağladı,
Yanan qapına, sınan qoluna, yaralı qəlbinə, gizlin qəbrinə qurban olum, Ya Ana Zəhra!
Allahım, Əyyami Fatimə günlərinin son gecələridi. Ey yeri göyü xəlq edən! Ey gündüzü öz rəhməti ilə aydınladan! Səni and veririk, Rəsuləllahın canının parçası Fatiməyə (s.ə), bizi bağışla, keç günahlarımızdan Ey Rəhim! Allahım, dərdimiz sənə aşkardı, heç kəsə deyə bilmədiyimiz dərdlərimizi sənə söyləyirik. Allahım, Xanım Zəhra (s.ə) hörmətinə qəbul elə duaları. Müşküllərimizi həll, xəstələrimizə şəfa, dərdlilərimizə dəva, hicab həsrəti çəkənlərə də kamil hicab qismət elə! Allahım, tezliklə zühuru ilə dünyanı gözəlləşdirəcək, Əhlibeytin (ə) və Xanım Zəhranın (s.ə) hələ dünyaya gəlməmiş övladının qisasın alacaq haqq İmamının, Həzrət Sahibəz-zaman (ə.f) zuhurunu tezləşdir. Amin. Duaların qəbul olunması üçün Həzrət Muhəmməd Peyğəmbərə (s) və pak Əhlibeytinə (ə) salavat hədiyyə edək.
Əllahummə səlli əla Muhəmmədin və ali Muhəmməd.
Əllahummə səlli əla Muhəmmədin və ali Muhəmməd.
Əllahummə səlli əla Muhəmmədin və ali Muhəmməd..