Çalış heç vaxt qəzəblənmə!
Bədəvi bir ərəb Peyğəmbərin (s) yanına gəlib deyir ki, mən ömrümü səhrada keçirən bir adamam. Mənə elə bir şey öyrət ki, həm dünya, həm də axirət xeyrini özündə cəmləmiş olsun. Peyğəmbər (s) ona buyurur ki, çalış heç vaxt qəzəblənmə! Bədəvi ərəb sözünü üç dəfə təkrar etdi, Peyğəmbər (s)-də hər dəfədə ona eyni cavabı verdi." Həzrət Peyğəmbər (s) buyurmuşdur: "Şücaətli o şəxsdir ki, qəzəbləndikdə özünü ələ almağı bacarsın." Həmçinin İmam Sadiq (ə) buyurmuşdur: "Qəzəbini kimdənsə saxlayan şəxsin Allah-təala eyblərini örtər."
Bu, üç gündən bəri ağzıma apardığım ilk tikədir
Bir gün Həzrət Fatimə (s.ə) çörək bişirib atasının yanına gətirir. Peyğəmbər (s) soruşur ki, bu nədir qızım? Fatimə (s.ə) cavab verir ki, öz əllərimlə bişirdiyim çörəkdir, sizsiz boğazımdan keçmədi. Həzrət çörəkdən kəsib ağzına qoyaraq buyurur ki, and olsun Allaha, bu, üç gündən bəri ağzıma apardığım ilk tikədir.
Kitabın adı: Meracus səadə
Müəllif: Şeyx Əhməd Nəraqi