Camaatla həmrəng olmaq (palaza bürün, el ilə sürün) rüsvayçılıqdır!
Əzizlərim! İnsanların İslam ölkələrində və ya xarici ölkələrdə İlahi imtahan olunaraq başısoyuq və azğın qrupların əlinə düşməsinin çox şahidi oluruq. Onlar həmin adamın onlarla həmrəng və həmrəy olmasını istəyirlər. Nəfsin və şeytanların vəsvəsələri burada başlayır və camaatla uyğunlaşmaqdan başqa çarə qalmır. Bu iş üçün xəyali bəhanələr də qondarır.
İnsanın mənəvi tərəqqisinin göstəricisi, şəxsiyyətinin istiqlalı və imanının inkişafı məhz belə hallarda üzə çıxır. Suya düşən saman çöpü kimi izdihama düşüb hərəkət edənlər fəsad içində qərq olur və güman edirlər ki, rüsvay olmamaq üçün camaatla uyğunlaşmaq lazımdır! Onlar insanlıq cövhərindən sadəcə qabıqla kifayətlənən dəyərsiz insanlardır.
Lakin, siz əzizlərim! Belə mühitlərdə öz yüksək dəyərinizi göstərin, öz imanınızın gücünü, təqvanızın qüvvətini, şəxsiyyətinizin istiqlalını aşkar edin və özünüzə belə söyləyin: "Belə camaatla həmrəng olmaq rüsvayçılıqdır!!”
Peyğəmbərlər (əleyhimus-salam), ilahi övliyalar və onların davamçıları da öz zəmanələrində adətən, (hazırkı dövrdə olan) oxşar problemlərlə üzləşirdilər. Lakin səbirlə, əzmkarlıqla və müqavimətlə onlarla həmrəng olmadılar, əksinə öz mühitlərini dəyişdirdilər və cəmiyyəti də öz rənglərinə boyadılar.
Azğın və yaramaz mühitə uyğunlaşmaq və onunla həmrəng olmaq iradəsiz, yelbeyin insanların işidir. Lakin mühitdə müsbət istiqamətdə yeni dəyişiklik və dönüş yaratmaq qadir, polad iradəli insanların və şücaətli möminlərin işidir.
Birinci qrupun işi kor-koranə təqlid, şüarları da " اِنّا وَجَدْنا آبائَنٰا عَلى اُمَّة وَ اِنّا عَلىٰ آثٰارِهِمْ مُقْتَدُونَ"dır.(1) Halbuki, ikinci qrupun işi təfəkkür etmək, dərindən düşünmək, layiqli seçim etmək, şüarları isə "لاتَجِدُ قَوْماً يؤمِنوُنَ بِاللّهِ وَ الْيوْمِ الاْخِرِ يوادّونَ مَنْ حادَّ اللّهَ وَ رَسُولَهُ وَ لَوْ کانوُا آبائَهُمْ اَو اَبْنائَهُم اَو عَشيرَتَهُم اولئِکَ کَتَبَ فى قُلُوبِهِمُ الاْيمانَ وَ اَيدَهُمْ بِرُوح مِنْهُ"dır. "Mücadilə" surəsi, ayə 22: «Allaha və axirət gününə iman gətirən qövmün, Allah və Onun Rəsulu ilə düşmənçilik edənlərlə – hətta öz ata-babaları, övladları (oğulları), qardaşları və qohumları olsalar belə – dostluq etdiyini görməzsən. Onlar elə kəslərdir ki, Allah onların qəlbində imanı sabit etmişdir və Öz tərəfindən olan bir ruhla onları qüvvətləndirmişdir.»
2. "Mücadilə" surəsi, ayə 22: «Allaha və axirət gününə iman gətirən qövmün, Allah və Onun Rəsulu ilə düşmənçilik edənlərlə – hətta öz ata-babaları, övladları (oğulları), qardaşları və qohumları olsalar belə – dostluq etdiyini görməzsən. Onlar elə kəslərdir ki, Allah onların qəlbində imanı sabit etmişdir və Öz tərəfindən olan bir ruhla onları qüvvətləndirmişdir.»
Bəli, müqəddəs Ruh onların köməyinə tələsər, Allahın mələkləri onların keşiyində duraraq iradələrini möhkəmləndirməklə məşğul olar və onları müqavimət göstərməyə dəvət edərlər.
Bəli, əzizlərim! Belə bir şəraitdə çətinliyə düşsəniz, özünüzü Allaha ismarlayın, Onun pak zatına təvəkkül edin, pisliklərin çoxluğundan qorxmayın və bu imtahanı müvəffəqiyyətlə arxada qoyun ki, onun bərəkətlərindən faydalanasınız və deyin:
" قُل لايسْتَوى الخَبيثُ وَ الطَّيبُ وَ لَو اَعْجَبَک کَثْرَةُ الْخَبيثِ فَاتَّقُوا اللّهَ يا اُولى الاَْلْبابَ لَعَلَّکُمْ تُفْلِحُونَ "
«Murdarların (çirkinliklərin) çoxluğu səni təəccübləndirsə də, murdarla pak əsla bir deyildir. Odur ki, ey ağıl sahibləri, Allah qarşısında təqvalı olun, bəlkə nicat tapdınız.» (3)
Bu ilahi imtahan xüsusilə zəmanəmizin əziz gəncləri üçün böyük əhəmiyyət kəsb edir. Onlar belə böyük imtahanda qələbə çalmaqla rəhmət mələklərinin qanadlarında pərvaz edə, Pərvərdigarın qürb asimanının yüksəkliklərində uça bilərlər.
Ayətullah Məkarim Şirazinin dərs və nəsihətləri