Kərbəladan yazginən
Kərbəla dastanı məşhurdur, düşüb dildən-dilə
Yoxdu bir qüvvə, Hüseyn eşqin könüllərdən silə
Kim bu matəmdə, gözündən yaş axıtsa bir gilə
Yox Cəhənnəm atəşi ol şəxsə, əmma sidq ilə
Qətrəyə qiymət qoyan, lütfi-Xudadan yazginən.
*************************************
Lə'nət olsun qoy Yəzidə, həm onun rəftarına
Olmuyan vicdanına, namusuna, həm arına
Guya həm də şair imiş, tuf ola əş'arına
Lə'nət olsun yarına, əhbabına, ənsarına
Sən Hüseynə aşina ol, aşinadan yazginən.
************************************
Zeynəbi-Kübranı sanma ki, qalıbdır binəva
Onda ki sordu Yəzid-Gördün sizə netdi Xuda?
Söylədi-Mən görmədim orda gözəllikdən səva
Həm o zalim məclisində, eylədi həqqi əda
Zeynəbin can madəri, Xeyrün-nisadan yazginən.
**************************************
Eşqi mə'na eyləsəm, Kərbübəla mə'nasıdır
Orda hər kim can verib, aşiqlərin ən xasıdır
Əhli-eşqin zinəti çün sidqidir, ixlasıdır,
Gər Hüseyn ibni Əli, aşiqlərin Mövlasıdır
Həm onun mövlası, Mövla Mürtəzadan yazginən.
***************************************
Əhli-Beytdir ki, salıb nurun bəşər övladına
Kim könüldən sevsə, əlbəttə çatallar dadına
Əhli-dünya, qurban olsun tək Əlinin adına
Çün Əba - əhli səbəbdir, xilqətin icadna
Şahi-Lövlak, ol Rəsuli-Kibriyadan yazginən.
*************************************
Gər qələm əhli sərasər, gül-çiçəkdən yazsallar
Ya münəccimlər kimi, seyri-fələkdən yazsallar
Ya ki,əfsun eyliyib cinnü mələkdən yazsallar
Mədh edib zülm əhlini, zülmü, ürəkdən yazsallar
Yazma sən Talib, çalış bu macəradan yazginən.
Müəllif: Hacı Qəzənfər Talib
|
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.