"Tibbul-əimmə” kitabında nəql olunmuşdur ki, Cabir Cofi İmam Baqirə (ə) dedi: "Mən İmam Hüseynin (ə) yanında idim, bu zaman Bəni Ümməyyə tayfasından olan şiələrdən biri gəlib dedi: "Ey Peyğəmbərin nəvəsi, mən ayağımdakı ağrılıqdan həmişə sizin hüzurunuza gələ bilmirəm.” Həzrət buyurdu: "Nə üçün İmam Həsənin (ə) göstərişinə əməl etmirsən?” O dedi: "Hansı göstərişinə?” Həzrət buyurdu: ""Fəth” surəsini "...Və kanəllahu əzizən həkima” ayəsinə qədər oxu.” Həmin şəxs o həzrətin göstərişinə əməl etdikdən sonra, artıq ayağında ağrılıq hiss etmədi.
Yenə də diz ağrısı üçün nəql olunmuşdur ki, namaz qıldıqdan sonra belə de:
Ey əta edənlərin ən səxavətlisi, ey istənilənlərin ən yaxşısı və ey rəhm istəyənlərə rəhmli olan! Mənim acizliyik və çarəsizliyimə rəhm et və bu dərdə şəfa ver!
Həmçinin, yeddi dəfə bu ayənin oxunması göstərişi verilmişdir:
Rəbbinin kitabından sənə vəhy olunanı oxu. Onun sözlərini heç kəs dəyişdirə bilməz. (Allahdan) başqa heç bir sığınacaq tapa bilməzsən! (Pənah yalnız Allahadır!)
Kitabın adı: Məfatihul Cinan