1. İmam Sadiq (ə) buyurmuşdur: «Bədəndə olan ağrılar üçün vacibi namazı qaldıqdan sonra
Allahın adı və Allahın köməyi ilə! Allahın şükür edən və şükür etməyən (nankor) bəndənin damarında sakin olan və olmayan nə çox neməti var!
duasını oxu və sağ əlinlə öz saqqalını tutub üç dəfə de:
İlahi, qəm-qüssəmi aç, mənə sağlamlıq vermək üçün tələs və çətinliklərimi aradan qaldır!
Əlbəttə, bu dua ağlamaqla yanaşı oxunsa, daha yaxşıdır.
2. İmam Sadiq (ə)-dan nəql olunmuşdur ki, əlini dərd və ağrı olan yerə qoyub
Allahın adı və Allahın köməyi ilə! Məhəmməd Allahın rəsuludur. Allahın salamı olsun ona və Əhli-beytinə! Allahdan başqa güc və qüdrət yoxdur. İlahi, hiss etdiyim dərdi məndən sovuşdur!
duasını oxuduqdan sonra sağ əlini üç dəfə ağrı olan yerə çəksin.
3. İmam Məhəmməd Baqir (ə)-dan nəql olunmuşdur ki, Əmirəl-möminin Əli (ə) xəstələndi. Həzrət Peyğəmbər (s) onun yanına gedib, bu duanın oxumasını ona göstəriş verdi:
İlahi, Səndən mənə tezliklə sağlamlıq, müsibətinə dözüm və (müsibətdən çıxıb) rəhmətinə doğru hərəkət əta etməyini istəyirəm!
4. İmam Sadiq (ə)-dan nəql olunmuşdur ki, əlini bədəndə ağrı olan yerə qoyub, üç dəfə desin:
İlahi, uca və hikmətli kitabın əsası Sənin yanında olduğu halda, Ruhul-Əminə nazil etdiyin böyük Quranın xatirinə Səndən istəyirəm ki, Öz afiyətinlə mənə şəfa verəsən, Öz dərmanınla məni sağaldasan və bəlanı məndən uzaqlaşdırasan!
Ondan sonra Məhəmməd və ali Məhəmmədə salvat göndərsin.
5. Əbu Həmzə belə nəql etmişdir: Mənim dizim ağrımağa başladı, buna görə də ondan İmam Məhəmməd Baqir (ə)-a şikayət etdikdə, o həzrət buyurdu: Hər dəfə namaz qıldıqdan sonra belə de:
Ey əta edənlərin ən səxavətlisi, ey istənilənlərin ən yaxşısı, ey rəhm istəyənlərə ən rəhmli olan! Mənim zəiflik və çarəsizliyimə rəhm et və məni bu ağrıdan xilas et!
O deyir: «Mən bu duanı oxuduqdan sonra sağaldım.»
Müəllif deyir: «Biz bu kitabın üçüncü fəslində xəstəliklər, ağrılar və dərdlər haqqında söhbət etdik.»
Kitabın adı: Məfatihul Cinan
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
