Artıq onun daşları zəifləmiş və çatlamışdır,
Bütün göyərçinlər uzaqlaşıb onu tərk etmişlər.
Artıq Kəbənin darmadağın edilməsi yetişmişdir,
Artıq onun bütün pərdələri yanıb tökülmüşdür,
Onun üzərində neft və odlar ucalan zaman.
Sonra böyük bir döyüş baş verir. Şam ordusu namaz vaxtı Məscidul
Hərəmin qapılarından içəriyə daxil olub Abdullah ibn Zübeyri səsləməyə
başlayır:
Ey kor qadının oğlu! Ey iki ətəklinin oğlu! Məscidin həyətində baş verən döyüşdə Abdullah ibn Zubeyr və onun
bütün tərəfdarları öldürülür. Abdullahın başını bədənindən ayırıb
Əbdülməlik ibn Mərvan üçün göndərirlər. Abdullahın bədəni isə
başıaşağı formada xurma ağacı və yaxud bəzi deyilənlərə görə, bir taxta
parçası üzərində çarmıxa çəkilir. Onun yanına ölmüş it cəsədini
bağlayırlar. Bir müddətdən sonra Həccac onun cəsədini endirib yəhudi
məqbərəsinə atır. Bəzi deyilənlərə görə isə anası onu Həcun
məntəqəsində dəfn edir.
Bütün baş verən bu hadisələrdən – Kəbə evinin dağıdılması,
yandırılması, insanların qətlə yetirilməsi və xurma ağacları üzərində
çarmıxa çəkilməsi ilə müxtəlif etiqadlara malik olan insanlar arasında
Kəbənin hansı hörməti qala bilər?!
Sualı belə qoymaq olar: Bu hadisədən sonra Kəbə evinin hörməti və
heybətini necə qaytarmaq olar?! Gələcəkdə Kəbəyə qarşı olan təhlükəni
dəf etmək olarmı?! Kəbəni necə bərpa etmək olar?!
Həccac İbn Yusif, onun şamdakı acgöz əmiri və hadisənin şahidi
olmuş fəqihlər, mühəddislər Kəbə evinin yandırılıb darmadağın ediləndən
sonra yenidən bərpa olunması istiqamətində şoka düşmüşdülər.
Görəsən, bu hadisədən sonra həcc ziyarətini icra etmək üçün Beytül
Müqəddəsəmi gedəcəklər? Görəsən, yəhudilər və nəsranilər buna razı
olacaqlarmı?! Və yaxud üzlərini Beytül Müqəddəsəmi çevirəcəklər?!
Görəsən, Kəbəni ucaldıb bərpa etmək üçün İbrahim və İsmaili, Allah
evini bərpa edən bənnanı haradan tapacaqlar?
Allah evini bərpa edən bənnanı, elə Allah özü seçir, nəinki Əbdülməlik
ibn Mərvan və onun cəlladları!
Beləcə, onlar sərgərdan və təşviş içində idilər. İbrahim peyğəmbər və
Allah yolunda qurban verə biləcəkləri İsmaili tapmaq mümkün deyildi.
Belə ki indi onların, Allah-taalanın seçib razı qala biləcəyi bir bənnaya,
həmçinin İbrahimin Allah yolunda qurban verdiyi İsmail kimi qəbul ola
biləcək bir qurbanlığa ehtiyacları var idi.
Allah-taala buyurur: "Oğlu onunla birlikdə işləmək və çalışmaq həddinə
çatanda (İbrahim) dedi: "Oğulcığazım! Mən yuxuda hey görürürəm ki,
sənin başını kəsirəm (boğazına bıçaq çəkirəm). Bəs, bax (gör), nəzərin
nədir?”
(İsmail) dedi: "Ey ata! Sənə əmr ediləni yerinə yetir. Allahın istəyi ilə məni səbirlilərdən görəcəksən!”
Bu o deməkdir ki, həm "bənna”, həm də "qurbanlıq” ifadəsinə toxunan
"...övladlarımdan bəzisini (İsmaili anası ilə birgə) Sənin möhtərəm və
toxunulmaz evinin yanında əkinsiz bir dərədə sakin etdim ki, – ey
Rəbbimiz, – namaz qılsınlar...” ayə İbrahimin (ə) zürriyyətini nəzərdə
tutur.
Kəbə evi darmadağın olduğu halda namaz necə bərpa olacaq?!
Əziz oxucu, bu sualın cavabını Allahın öz evini Kərbəla türbətinin
sahibi vasitəsi ilə necə qoruyacağına əmin olmaq üçün təqdim edəcəyik.
Bu suala cavabı aşağıdakı hədislərdə görə bilərik:
a) Şeyx Nuri və Əllamə Məclisi rəvayət edirlər ki, Həccac ibn Yusif
Abdullah ibn Zübeyrlə müharibəsi nəticəsində Kəbə evini xarabalığa
çevirdi. Bu hadisədən sonra Kəbə evini bərpa edib "Həcərül Əsvəd”i
(Qara daş) yerinə qoymaq istədilər. Bəni-Üməyyə alimləri, zahidləri
və qazilərindən hər hansı biri daşı yerinə qoyurdusa, daş silkələnib
həmin yerdən düşürdü. Bu zaman Əli ibn Hüseyn (ə) gəlib daşı
onların əlindən aldı, Allahın adını çəkərək daşı yerinə qoydu.
Beləliklə, Qara daş öz yerində qərar tutdu. Hadisəni müşahidə edən
insanlar təkbir dedilər. İnsanlar içərisində bu xəbər getdikcə
yayılmağa başladı, hətta bu hadisəni nəzmə cəkərək tarixin şahidinə
çevirdilər.
Allahın təəccüblü hikmətlərindən biri də odur ki, Əməvi saray şairi
olan Fərəzdəq öz "mimi” qəsidəsində bu hadisəyə işarə edir.
Əbülməlik ibn Mərvan İmam Zeynülabidinin (ə) kimliyi haqqında
soruşan zaman Fərəzdəq həmin qəsidəni şam əhlinin əyanları qarşısında bədahətən söyləmişdir. Bu qəsidə gözəl ifadələr və bəyanla
ona ilham edilmişdir:
Bu, o kəsdir ki, qədəmini Bətha tanıyır,
Kəbə, Hill və Hərəm tanıyır,
Bu, Allah bəndələrinin hamısının
Ən xeyirlisinin oğludur,
Bu, nəqi, təqi, tahir və ələmdir,
Əgər onu tanımırsansa, bil:
Bu, Fatimənin oğludur,
Onun babası ilə xətm olunubdur
Allahın peyğəmbərləri
Fərəzdəq qəsidənin davamında Kəbə evinin bərpa edilməsi və
qara daşın öz yerinə qoyulması hadisəsinə işarə edərək belə deyir:
Səxavət və bəxşiş əli o qədər genişdir, az qalır Qara daş,
Onu kənarından buraxmasın, yanına gəlib ona əl sürtən zaman.
Bu hadisə iki həqiqətə işarə edir:
1) Peyğəmbərin Əhli-beyti ilə İslam dini və onun müqəddəsləri
qorunur
2) Allah-taala onlara görə əməlləri bəyənib qəbul edir
Əhli-beytin yolu ilə getməyən şəxs yolunu azar, onlardan geriyə
qalan kimsə Cəhənnəm vadisində sərgərdan olar. Əgər Kəbənin
Rəbbi fəqihlər və zahidlərdən Qara Daşın öz yerinə qoyulmasını
qəbul etmirsə, onda onlardan şəriət fətvalarını və rəylərini necə qəbul
edə bilər?!
Deməli, Hüseyn ibn Əli ibn Əbutalib (ə) vasitəsi ilə Allah öz
evini tağutlardan qoruyur və onun vasitəsi ilə babası İbrahim
peyğəmbərin duası həyata keçir:
"...– Ey Rəbbimiz, – namaz
qılsınlar...” Onun türbəti ilə alınlar torpaqlanır, namaz qılanların səcdə yerləri
zinətlənir, onun susuzluğu üzərində dinin əsasları sabit olur, bununla
da Kərbəla türbəti aləmlərin Rəbbinə qurbanların ən pakı ilə şəhadət
verir. Belə ki Aşura günü Xanım Zeynəb (ə) Kərbəla çölündə, ilahi
qüds məkanında əlini İmam Hüseynin bədəninə qoyaraq, inilti,
zarıltılı, lakin iman və yəqin dolu səslə dua etdi:
"Ey Allahım, bu
qurbanı bizdən qəbul et!” "Beləliklə, elə ki onların hər ikisi (Allahın əmrinə) təslim oldular
və o, oğlunu üzü üstə yerə yıxdı (imtahandan başı uca çıxdı) Biz ona
xitab etdik ki: "Ey İbrahim! Həqiqətən, sən yuxunu həyata keçirdin.”
(Çünki həmin yuxunun mənası bıçağın hulquma çəkilməsi idi,
hərçənd ki həm ata, həm də oğul onun mənasının uşağın başının
kəsilməsi olduğunu başa düşmüşdülər.) Biz yaxşı əməl sahiblərini
belə mükafatlandırırıq. Şübhəsiz bu (hadisə) həmin aşkar imtahandır.
Və Biz ona böyük bir qurbanlıq (həm cisim, həm də ehtiram
baxımından böyük bir qoyun) fəda etdik. Ondan, sonrakı ümmətlərin
arasında (tövhidə dəvət, şirk ilə mübarizə mücahidi, böyük fədakar və
yeni kitab və şəriət sahibi kimi) yaxşı ad qoyduq.”
Quran buyurur: "Salam olsun İlyasa (və Yasinin övladlarına)!” Peyğəmbər əhli-beytinin başına gələn bu və digər müsibətlərə
görə Kərbəla torpağının Məkkə torpağı müqabilində üstün olma
səbəbi İmam Sadiqin (ə) hədisində belə gəlmişdir: "...Əgər Kərbəla
torpağının ağuşuna aldığı şəxs olmasaydı, səni və fəxr etdiyini
(Kəbəni) xəlq etməzdim...”
Kitabın adı: İmam Hüseyn (ə) türbətinin qeybi təsirlərinin həqiqəti
Müəllif: Seyyid Nəbil Əl-Həsəni
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6704
Bu gün: 0
