Allahdan utanan uşaq

Mömin şəxs öz səxavəti ilə tanınırdı. Bir dəfə evdən çıxdıqda bir bağın yanından keçərkən, o hasarın yanında oturan bir uşaq gördü. Uşaq əlindəki çörəyi qıraraq gah yanındakı itə verir, gah da öz ağzına aparırıdı.

Bunu görən mömin şəxs uşaqdan soruşur: "Bu sənin itindir?”

Uşaq "xeyir” cavab verir.

Mömin şəxs təəccüblə soruşur "Bəs niyə onu yedizdirirsən?”

Uşaq cavab verir: "Mənim yanımda kimsə ac oturarkən mən utanıram”

Bu uşaq momun wexsin xoşuna gəlir və o, soruşur: "Sən qulsan? Sahibin kimdir?”

Uşaq deyir "Mən bu bağın sahibinin quluyam”.

Mömin şəxs gedir və bir müddət sonra qayıdaraq deyir: "Sevin, Allahın rəhmi ilə sən artıq azadsan, və bu bağ artıq sənindir.”

Uşaq sevinərək qışqırır: "Şahid ol ki, bu bağın bütün meyvələrini şəhərin yoxsullarına verirəm.”

Mömin şəxs təəccüblənərək deyir: "Axı, sən özün də yoxsulsan, sənin də bu meyvələrə ehtiyacın var.”

Uşaq isə qərarlı səslə cavab verir: "Allah məni belə mükafatlandırdıqdan sonra mən necə paxıllıq edim? Mən Allahdan utanıram..”