Bir sa (3 kq) buğda alsın, arxası üstə uzanıb həmin buğdaları sinəsinin üstənə töksün və desin:
İlahi, Səndən o adının vasitəsilə istəyirəm ki, çarəsiz bir şəxs onunla möhnətinin aradan qaldırılmasını istədikdə, onu aradan qaldırdın, yer üzündə ona qüdrət verdin və insanlar üzərində Özünə xəlifə seçdin! (Səndən istəyirəm ki,) Məhəmməd və onun Əhli-beytinə salam yetirəsən və bu dərdi məndən sovuşdurub, mənə sağlamlıq verəsən!
Sonra qalxıb otursun, buğdaları öz ətrafından yığsın və bu duanı oxusun. Daha sonra həmin buğdaları hər biri bir müddən (750 q) ibarət olan dörd hissəyə bölüb, kasıba versin. Allahın köməyilə həmin xəstəlik ondan götürülər.
Həmçinin Əmirəl-möminin Əlidən (ə) rəvayət olunmuşdur ki, əlini dərd olan yerə qoyub üç dəfə desin:
Mənim Rəbbim Allah, Allah, Allah haqdır və mən Ona heç bir şeyi şərik qoşmaram. İlahi, bu dərdi və bütün böyük bəlaları yalnız Sən aradan qaldıra bilərsən! Odur ki, onu məndən sovuşdur!
Eləcə də İmam Sadiq (ə) buyurmuşdur: Əlini dərd olan yerə qoyub "Bismillah” desin və sonra əlini həmin yerə çəkib yeddi dəfə desin:
Allahın izzətinə pənah aparıram. Allahın qüdrətinə pənah aparıram. Allahın böyüklüyünə pənah aparıram. Allahın əzəmətinə pənah aparıram. Allahın bütün vəsflərinə pənah aparıram. Allahın Rəsuluna (Allahın salamı olsun ona və Əhli-beytinə) pənah aparıram. Qorxduqlarımın, eləcə də, öz canıma qorxduqlarımın şərindən Allahın adlarına pənah aparıram!
Rəvayət olunmuşdur ki, hər kəsin övladı xəstələnsə, həmin övladın anası damın üstünə çıxıb, məqnəsini başından açsın, səmanın altında başıaçıq dursun və səcdəyə gedib desin:
İlahi, ey Rəbbim, onu Sən mənə verdin və Sən mənə bəxşiş etdin! İlahi, bəxşişini yenidən əta et ki, həqiqətən, Sən güclü və qüdrətlisən!
Övladı sağalmayana qədər başını qaldırmasın.
Şeyx Şəhid nəql etmişdir ki, hər kim şiddətli bir dərd və ağrıya tutulsa, su ilə dolu qaba qırx dəfə "Həmd” surəsini oxuyub, həmin suyu öz üstünə töksün. Sonra xəstə olan həmin şəxs buğda olan zənbili yanına qoysun və öz əli ilə onu kasıba verib, sağalması üçün onun dua etməsini xahiş etsin. İnşaallah şəfa tapar. Mötəbər rəvayətlərdə deyilmişdir ki, sədəqə verməklə öz xəstələrinizi sağaldın.
Həmçinin Şeyx Şəhid nəql etmişdir ki, xəstəliyi aradan qaldırmaq üçün, bir kəs öz əlini xəstə olan şəxsin sağ qoluna qoyub, "Həmd” surəsini yeddi dəfə oxuduqdan sonra, bu duanı desin:
İlahi, xəstəlik və dərdləri ondan uzaqlaşdır, onu səhhət və sağlamlığa qaytar, ona yardım etməklə yaxşı qoru, onu gözəl afiyətə qaytar, onun düçar olduğu bu xəstəliyi həyatı üçün ibrət və günahlarının kəffarəsi qərar ver! İlahi, Məhəmməd və Məhəmmədin Əhli-beytinə salam yetir!
Əgər bu dua onun sağalmasına heç bir təsir bağışlamasa, "Həmd” surəsini yetmiş dəfə təkrarlasın, inşaallah, öz təsirini göstərər.
İmam Baqirdən (ə) belə nəql olunmuşdur: Xəstəliyə düçar olan hər bir şəxs "Həmd” və "İxlas” surələrini oxumaqla şəfa tapmasa, heç bir şey onu sağaltmaz və bu iki surə hər bir dərdin dərmanıdır.
İmam Sadiq (ə) buyu¬rmuşdur: Xəstə olan hər bir mömin xalis niyyətlə
Biz Qurandan möminlər üçün şəfa və mərhəmət olan ayələr nazil edirik.
ayəsini tilavət edib, əlini ağrılıq hiss etdiyi yerə çəksə, Allahın köməyi ilə şəfa tapar.
İmam Rzadan (ə) nəql olunmuşdur: Hər bir xəstəliyin sağalması üçün bu duanı oxuyun:
Ey şəfa nazil edən və dərdi aparan! Məhəmməd və onun Əhli-beytinə salam yetir və dərdimə şəfa nazil et!
Seyid ibni Tavus özünün "Muhcud-dəəvat” kitabında İbni Abbasdan nəql etmişdir ki, o belə demişdir: Mən həzrət Əmirəl-möminin Əlinin (ə) yanında oturmuşdum. Bu zaman bir nəfər rəngi ağarmış halda gəlib dedi: Ya Əmrəl-möminin! Mən uzun müddətdir ki, xəstələnmişəm və şiddətli ağrılara mübtəla olmuşam. Buna görə də şəfa tapmağım üçün mənə bir dua öyrət. O həzrət buyurdu: Sənə Həsən və Hüseynin xəstələndikləri zaman Cəbrailin Həzrət Peyğəmbər (s)-ə öyrətdiyi duanı öyrədəcəyəm və həmin dua belədir:
İlahi, hər zaman mənə bir nemət verdin, Sənin dərgahında şükrüm az oldu, hər zaman bir müsibətə düçar etdin, Sənin dərgahında səbrim az oldu! Elə isə, ey nemətlərinə şükrüm az olduğu halda məni məhrum etməyən və müsibətinə səbrim az olduğu halda məni tək qoymayan! Ey mənim günaha qurşandığımı gördüyü halda məni rüsvay etməyən və xəta etdiyimi gördüyü halda məni cəzalandırmayan! Məhəmməd və Məhəmmədin Əhli-beytinə salam yetir, günahımı bağışla və xəstəliyimə şəfa ver ki, həqiqətən, Sən hər bir şeyə qadirsən.
İbni Abbas deyir: "Bir ildən sonra həmin kişini sağlam olduğu halda gördüm.” O dedi: "Mən hər bir dərdə, xəstəliyə düçar olduqda, həmişə bu duanı oxuyur və şəfa tapıram. Qorxduğum hər bir padşahın yanına getdikdə, Allah taala onun şərrini məndən uzaq edir.”
Belə nəql olunmuşdur ki, Nəccaşi öz ata-babalarından dörd yüz illik bir papaq irs aparmışdı. Onu, hər bir dərdin, ağrının üstünə qoyduqda, dərhal yaxşı olurdu. Bu papağın sirrindən agah olmaq üçün onu cırıb, onun içində bu duanın qoyulduğunu gördülər:
Malik və aşkar haqq olan Allahın adı ilə! Allah (əzəldən Öz elmi ilə, dünyanı yaratdıqdan sonra Öz yaradılış qüdrəti ilə və daha sonra peyğəmbərlərin, ağılın və səmavi kitabların dili ilə) ədalətə əsaslanaraq (və işlərini ədalət üzərində möhkəmləndirərək) Ondan başqa bir tanrının olmamasına şəhadət verdi. Həmçinin mələklər və elm sahibləri (də şəhadət verdilər). (Bəli,) Ondan başqa heç bir tanrı yoxdur. Yenilməz qüdrət və (xilqət və şəriətdə) möhkəm yaradılış sahibidir. Şübhəsiz, Allah yanında (peyğəmbərlərin gətirdikləri və şəriət şəklində bəşəriyyətə təqdim etdikləri həqiqi) din həmin İslamdır. Allah nur, hikmət, güc, qüvvət, qüdrət, səltənət və dəlil sahibidir. Allahdan başqa heç bir tanrı yoxdur. Adəm Allahın seçdiyidir. Allahdan başqa heç bir tanrı yoxdur. İbrahim Allahın dostudur. Allahdan başqa heç bir tanrı yoxdur. Musa Allahın həmsöhbətidir. Allahdan başqa heç bir tanrı yoxdur. Ərəb olan Məhəmməd Allahın rəsulu, həbibi və Öz məxluqatı arasından bəyənib-seçdiyi bəndəsidir. Ey bütün dərdlər, ağrılar, xəstəliklər, səbəblər və qızdırmalar sakitləşin! Sizi gecə-gündüz baş verənləri sakitləşdirən Allahın adı ilə sakitləşdirdim. O, eşidən və biləndir. Allahın salamı olsun məxluqatın ən yaxşısı Məhəmməd və onun Əhli-beytinə – onların hamısına!
"Məkarimul-əxlaq” kitabında Məlik Nəccaşi baş ağrısına düçar olmuşdu. Buna görə də bir məktub yazıb öz xəstələyini həzrət Peyğəmbərə xəbər verdi. O həzrət də onun üçün bu duanı yazıb göndərdi. O, həmin duanı papağının içinə qoyduqda, ağrısı kəsildi. Həmin dua belədir:
Bağışlayan və mehriban Allahın adı ilə! Malik və aşkar haqq olan Allahdan başqa heç bir tanrı yoxdur. Allah ədalətə əsaslanaraq Ondan başqa bir tanrının olmamasına şəhadət verdi...
ayənin axırına kimi
Allah nur, hikmət, izzət, qüvvət, dəlil, qüdrət, səltənət və rəhmət sahibidir. Ey yatmayan Allah! Allahdan başqa heç bir tanrı yoxdur. İbrahim Allahın dostudur. Allahdan başqa heç bir tanrı yoxdur. Musa Allahın həmsöhbətidir. Allahdan başqa heç bir tanrı yoxdur. İsa Allahın ruhu və kəlməsidir. Allahdan başqa heç bir tanrı yoxdur. Məhəmməd Allahın rəsulu, bəyəndiyi və seçdiyi bəndəsidir. Allahın salamı olsun ona və onun Əhli-beytinə! Sakitləşin! Sizi göylər və yerdə olanları, gecə-gündüz baş verənləri sakitləşdirən Allahın adı ilə sakitləşdirdim. O, eşidən və biləndir. Beləliklə, Biz küləyi ona ram etdik. Külək onun əmri ilə mülayimliklə onun istədiyi yerə gedirdi. Həmçinin hər bənna və qəvvasdan olan (cin) şeytanları(nı bina tikmək və dənizdən ləl-cavahirat çıxarmaq üçün ona ram etdik). Həqiqətən, işlər Allaha doğru qayıdacaq!
Kitabın adı: Məfatihul Cinan
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
