Bu fəsil, yeddi növ duadan ibarətdir:
İmam Sadiqdən (ə) nəql olunmuşdur ki, hər kəs
Allaha həmd olsun ki, uca və hakimdir. Allaha həmd olsun ki, gizli və agahdır. Allaha həmd olsun ki, malik və qadirdir. Allaha həmd olsun ki, ölüləri dirildir və diriləri də öldürür. O, hər bir şeyə qadirdir.
duasını yatdığı yerdə üç dəfə oxusa, bütün günahlardan pak olar, eyni ilə anasından olduğu gün kimi, günahsız olar. Bu rəvayəti Səduq və Şeyx də nəql etmişlər. "Uddətud-dai” kitabında İmam Sadiqdən (ə) nəql olunmuşdur ki, bu, "Təhmid” duasını oxuyan şəxsə verilən savabın ən az bir hissəsidir, lakin bu rəvayətdə gözə çarpan fərq bundan ibarətdir ki, qeyd etdiyimiz ikinci "Həmd” üçüncü "Həmd”dən sonra gətirilmişdir.
2. Yenə də o həzrətdən nəql olunmuşdur ki, həzrət Peyğəmbər (s) yatmaq istədiyi zaman "Ayətəl-kürsü”nü oxuduqdan sonra deyirdi:
Allahın adı ilə! Allaha iman gətirib, bütü inkar etdim. İlahi, məni yatdığım və oyaq olduğum zaman qoru!
3. Müfəzzəl ibni Ömər nəql etmişdir ki, imam Sadiq (ə) mənə belə buyurdu: "On bir dəfə Allaha pənah aparmaqdan ibarət olan bu duanı oxumamışdan öncə yatma.” Dedim: «Onu mənə öyrət.» Buyurdu:
Allahın izzətinə pənah aparıram. Allahın qüdrətinə pənah aparıram. Allahın böyüklüyünə pənah aparıram. Allahın səltənətinə pənah aparıram. Allahın camalına pənah aparıram. Allahın müdafiəsinə pənah aparıram. Allahın qadağasına pənah aparıram. Allahın bütün vəsflərinə pənah aparıram. Allahın mülkünə pənah aparıram. Allahın zatına pənah aparıram. Allahın yaratdıqları və vücuda gətirdiklərinin şərindən Rəsulullaha (Allahın salamı olsun ona və Əhli-beytinə) pənah aparıram.
İstədiyin vaxt bu duanı oxu!
4. İmam Sadiq (ə) buyurmuşdur: «Yatmaq istəyən hər kəs yüz dəfə "İxlas” surəsini oxusa, onun əlli illik günahı bağışlanar.» Yenə də o həzrətdən nəql olunmuşdur ki, hər kəs yatanda, "Kafirun” və "İxlas” surələrini oxusa, Allah taala onun şirkdən uzaq olmasını yazar.
5. İmam Sadiqdən (ə) nəql olunmuşdur ki, həzrət Peyğəmbər (s) buyurmuşdur: «Gecə namazı qılmaq məqsədilə yuxudan durub öz yatağında oturduğunuz zaman belə deyin:
İlahi, məni Öz məkrindən qoru, zikrini mənə unutdurma, məni qafillər sırasına qatma və filan saatda yuxudan durmağı mənə nəsib et!
Çünki Allah-Taala buna əməl edən hər bir şəxsə bir mələk vəkil qərar verər ki, hər gün onu gecə namazı vaxtı yuxudan oyatsın.
6. O həzrət belə buyurmuşdur: «Sizlərdən hər biriniz gecə yuxudan durmaq istədikdə, belə desin:
Peyğəmbərlərin Rəbbi, elçilərin məbudu və acizlərin Rəbbi olan Allah bütün eyiblərdən pak və uzaqdır. Ölüləri dirildən və hər bir şeyə qadir olan Allaha həmd olsun!
Şübhəsiz ki, bunu deyən şəxsə Allah taala buyurar: "Mənim bəndəm düz dedi və şükr etdi.”
7. Əbdürrəhman ibni Həccac rəvayət etmişdir ki, İmam Sadiq (ə) gecənin sonunda yuxudan durub, uca səslə deyərdi:
İlahi, qiyamətin qorxusunda mənə kömək et, qəbrimin darlığını genişləndir, ölümdən qabaq və sonra mənə xeyir nəsib et!
Kitabın adı: Məfatihul Cinan
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6677
Bu gün: 0
