Kiçik surələrdə böyük dəyərlər
Bismillahir-Rahmənir-Rahim. Allahın salam və salavatı olsun
Peyğəmbər və onun Əhli-Beytinə
Quran, 14 əsrdən artıqdır ki, müqəddəs bir kitab
olduğunu dəfələrlə sübut etmişdir. Müqəddəsliyindən
əlavə çox dərin elmi, əxlaqi və mənəvi dəyərləri
özündə toplamışdır. Elm, əxlaq və mənəviyyata aşiq
olanlar Quran nazil olandan onun dərinliklərinə
vararaq Qurandan bəhrələnib başqalarını da bu böyük
olan İlahi nemətlə sirab ediblər. Bu kitab Allah-Təala
tərəfindən nazil olduğuna görə ondan ən çox və ya
lazimi qədər bəhrələnənlər ilahi insanlar olublar.
Başqaları da Qurandan istifadə edib, amma hərə bir
cəhətdən. İlahi insanlar isə onun bütün
dərinliklərindən gələn ilahi göstərişləri və ilahi
dəyərləri əxz edərək həm özləri ona əməl edib, həmdə
onları insanlara öyrədərək bu kitabda olan ilahi
əmrləri icra etmişlər.
Quranın ilk təfsirçiləri Həzrət Peyğəmbər (s) və
Həzrət Əli (ə) olubdur. Ondan sonra Quranın öz dili
ilə desək elmdə möhkəm olanlar bu işi davam
etdirmişlər. Bunlardan əlavə böyük İslam alimləri bu şərəfli işi öz öhdələrinə götürmüş, müxtəlif
cəhətlərdən Qurani-Kərimə təfsir yazmışlar. Biz də
onlara iqtida edərək və onların səliqəsindən istifadə
edərək yazılmış təfsirlərdən bir formada hamının
istifadə edəcəyi bir yazı ərsəyə gətirmək istəyirik.
Etiraf etməliyəm ki, Quranı təfsir etmək bizim
qüvvəmizdən kənardır. Lakin yazılmış bir neçə
təfsirdən və tərcümədən köməklik alaraq bu işin
məsuliyyətini qəbul etmişik. Məqsədimiz də, yuxarıda
dediyimiz kimi, budur ki, Quranın tərcüməsi ilə
məşğul olmaq istəyən hər bir adam bu yazıdan
bəhrələnərək müqəddəs kitabla ünsiyyət yarada
bilsinlər. İnşAllah qismət olsa bu yazını dərslik
formasına salaraq fəsillərə bölər, az səhifələr şəklində
çap edərik. Bununla da onu əldə etmək, ondan istifadə
etmək əziz oxucular üçün çətin olmasın. Yeri
gəlmişkən qeyd edək ki, əgər bu işdən hər nə qədər
savab qismətimiz olsa, onu da dünya və axirət xanımı
olan Həzrəti Fatimə (ə)-ın ruhuna hədiyyə edirik. Bu
ümid ilə ki, o xanım dünya və axirətdə bizə yardımçı olsun.
Məqsədimizə çatmaq üçün Allah-Təaladan
köməklik istəyirik. İnşAllah.
Əvvəldə Quranın kiçik surələrindən başlayırıq ki,
oxucular üçün həm asan olsun, həm də yorucu
olmasın.
Kitabın adı: Kiçik surələrdə böyük dəyərlər
Müəllif: Hacı Əhliman Rüstəmov
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
