İmam Rza (ə.s)-ın bəzi hikmətli nəsihətlərindən
1. Həzrət Rza (ə.s.) buyurmuşdur: "Təmizlik (paklıq) Peyğəmbərlərin əxlaqındandır.”
2. Həzrət Rza (ə.s) buyurmuşdur: "Allah Taala bir iş görmək istədiyi zaman, bəndələrin ağıllarını onlardan alar. İşini gördükdən və iradəsini həyata keçirdikdən sonra hər aqilin ağlını özünə qaytarar və o, (aqil) deyər: Necə idi? Necə belə oldu?”
3. Həzrət Rza (ə.s) buyurmuşdur: "Sükut, məhəbbət gətirən və hər xeyrə yol göstərəndir.”
4. Həzrət Rza (ə.s) buyurmuşdur: "Hər insanın dostu, onun ağlı, düşmanı isə nadanlığıdır.”
5. Həzrət Rza (ə.s) buyurmuşdur: "Ailəsini dolandırmaqdan ötrü halal ruzi dalınca gedən şəxsin mükafatı, Allah yolunda cihad edən şəxsin mükafatından çoxdur.”
6. Həzrət Rza (ə.s) buyurmuşdur: "Səxavətli insan başqalarının yeməyindən yeyir ki, onun da yeməyindən yesinlər. Ancaq paxıl insan başqalarının yeməyindən yemir ki, nəbadə onun da yemeyindən yesinlər.”
7. Həzrət Rza (ə.s) buyurmuşdur: "Sənin zəif və yoxsula kömək etməyin sədəqədən daha üstündür.”
8. Həzrət Rza (ə.s) buyurmuşdur: "Dində təfəkkür və düşüncəsi, həyatında düzgün və gözəl poroqramı, çətinlik və problemlərlə üzləşəndə isə düzgün istiqaməti və səbri olmayan kəs həqiqi imana yetişə bilməz.”
9. Əli bin Şüeyb deyir: "Həzrət Rza (ə.s) -ın yanına getdim, buyurdu: Ey Əli, yaşayışı hamının yaşayışından yaxşı olan kəs kimdir?” Dedim: "Mənim ağam, siz məndən daha yaxşı bilirsiz.” Buyurdu: "O kəsdir ki, başqalarının yaşayışı onun həyatında gözəl olsun.”
10. Həzrət Rza (ə.s) buyurmuşdur: "İki şəxsdən başqa qənaət dalınca gedən olmaz. Onlardan biri axirət mükafatı dalınca olan dindardır, digəri isə alçaq camaatdan üzaqlaşmaq istəyən alicənab.”
11. Həzrət Rza (ə.s) buyurmuşdur: Elə bir gün gələr ki, on hissədən ibarət olan rifahın doqquzu camaatdan uzaqlaşar və biri də sükut edər.
12. Həzrət Rza (ə.s) buyurmuşdur: Aşağıdakı bu yeddi əməl istehzadan başqa bir şey deyildir:
1- Dilində istiğfar edən lakin ürəyində peşman olmayan kəs, özünü ələ salmışdır.
2- Allahdan tofiq istəyən lakin səy etməyən kəs, özünü ələ salmışdır.
3- Ehtiyat etmək istəyən lakin pəhriz etməyən kəs, ozünü ələ salmışdır.
4- Allahdan behişt istəyən lakin çətinliklərə səbr etməyən kəs, özünü ələ salmışdır.
5- Cəhənnəm atəşindən Allaha pənah aparan lakin şəhvətlərdən uzaqlaşmayan kəs, ozünü ələ salmışdır.
6- Allahı yad edən lakin önunla görüşə tələsməyən kəs, özünü ələ salmışdır.
7- Ölümü yad edib lakin hazır olmayan kəs, özünü ələ salmışdır.
13. Həzrət Rza (ə.s) buyurmuşdur: "Bəndənin Allah Taalaya ən yaxın olan vaxtı səcdədə olduğu zamandır. Bu elə odur ki, Allah buyurub: Səcdə et və yaxınlaş.”
Kitabın adı: Günəşin hekayəti