Mənim salamımı o Həzrətə çatdırın
Şeyxin şagirdlərindən biri deyir: O həmişə həzrət İmam Zaman əleyhissəlamı yad edər və salavat göndərərkən «və əccil fərəcəhum» kəlməsini heç vaxt tərk etməzdi. Onun hüzurunda olan yığıncaqlarda həmişə imamın haqqında söhbətlər olar və o həzrətin zühuru üçün çoxlu dua edilərdi. Ömrünün axırlarında imamın zühur edəcəyindən əvvəl bu dünyadan gedəcəyini hiss edib dostlarına dedi: Əgər həzrətin zühurunu görə bilsəniz, mənim salamımı ona yetirin.
İntizar çəkən cavanın bərzəx aləmindəki haləti
Bir cavan dəfn edilərkən Şeyx ona baxıb deyib: «Gördüm ki, həzrət Musa ibni Cə᾽fər (ə) bu cavanı ağuşuna almaq üçün öz qollarını açmışdı. Soruşdum ki, bu cavanın axırıncı sözü nə olmuşdur?
İmam Zaman (ə.f)-ın zühurunun intizarını çəkənlərdən bir qisminin bu dünyaya rəcəti
Cənab Şeyx inanırdı ki, İmam Zaman əleyhissəlamın zühurunu həqiqi mə᾽nada gözləyənlər, öldükdən sonra o həzrətin zühuru zamanı bu dünyaya qayıdacaq və o həzrətlə birlikdə olacaqlar. İmam Sadiq (ə)-dan nəql olunmuş rəvayətdə deyilir: «Hər kəs qırx sübh bu əhdi oxusa, bizim Qaimimizin köməkçilərindən olacaqdır. Əgər o həzrətin zühurundan qabaq dünyadan getsə, Allah onu yenidən dirildəcək ki, onun hüzurunda olsun». («Məfatihul-cinana»,Əhd duasının müqəddiməsi).
Sonra qeyd edirdi ki, Əliyyibni Cə᾽fər (ə) (Qumun «behişt» qəbristanlığında dəfn olunmuşdur) və Mirzayi Qumi (Qumun «Şeyxan» qəbiristanlığında dəfn olunmuşdur) adları imam Zaman (ə)-ın zühuru dövründə rəc᾽ət edənlərin siyahısında olanlardandır.
Rey şəhərində pinəçi
Şeyxin şagirdlərindən biri deyir: Bir gün Şeyxdən imam Zaman (ə)-ın intizarının xüsusiyyətləri barəsində soruşduq. Buyurdu: Rey şəhərində İmaməli adlı bir pinəçi var idi. Əhli-əyalı da yox idi və işlədiyi dükanda qalırdı. Onun barəsində qəribə halətlər nəql etmişlər. Onun imam Zaman (ə)-ın zühurundan başqa bir istəyi olmamışdır. Vəsiyyət etmişdi ki, öldükdən sonra onu Rey şəhərinin ətrafında yerləşən «Bibi-Şəhrəbanı» dağının ətəyində dəfn etsinlər. Hər vaxt onun qəbrinə diqqət yetirdimsə, gördüm ki, imam Zaman (ə) oradadır.
Kitabın adı: Məhəbbət iksiri
Müəllif: Məhəmməd Reyşəhri