Bəs niyə gəlmirsən, ağa?
Ağa, hər cümə sənin müntəzirin, qailinik,
Demirəm əsgərinik, bir əliboş sailinik.
Hər sevən sevgili cananınə maildir, Ağa,
Bir nəzər lütf elə çün, biz də sənin mailinik .
Toz basıb ayineyi-vəhdəti silmirsən, Ağa,
Üzümüz qarədi, layiq bizi bilmirsən, Ağa,
Gəldi bu cümə də keçdi, gözümüz yolda qalıb,
Sənə pərvanə olaq, bəs niyə gəlmirsən, Ağa.
Sadiq olmaq bilirik aşiqi-gümrah işidir,
Gəlişin ümməti-Peyğəmbərə fəllah işidir.
Ağacan, nola güzəşt eylə görün gözlərə bir,
Nökərin səhvini əfv etmək elə şah işidir.
Düzdür, səbr etməlidir bir belə hicranə bilən,
Atəşi-hicri gərək salmalıdır canə bilən,
Səni hər yerdə, Ağam, Məhdi dəyib səsləmişik,
Gəl ki, görsün səni bu dəhridə əfsanə bilən.
Damlayıq, çırpınırıq vəslidə dəryayə görə,
Günəşin doğması mütləqdi səhər ayə görə,
Sən də bir eylə təcəlla, başımız sayə görə,
Gəlməsən bizdən ötər, gəl barı Zəhraya görə.
Qəbri-Zəhra nə qədər bizlərə pünhan qalacaq,
Nə qədər şiə Bəqidə giryan qalacaq,
Nə qədər yerdə nahaqdan tökülən qan qalacaq,
Gəlməsən bu tökülən qanları bəs kim alacaq?
Nə qədər səbr eləsin bəndə bu hicranə, Ağa,
Kərbəladə Ələmi-şiə batıb qanə, Ağa,
Sənə bu " Seyyidivün ” canı fəda, et əcələ,
Səni and veririk Hüseyn tək şəhi - mərdanə.
Ya ALLAH Ağanın zühurunu tezləşdir inşAllah. Gəlin ilk öncə Ağanı çağırmazdan qabaq ona nə cavab verəcəyik və hansı yaxşi əməllə qarşısına çıxacağımızı düşünək və ALLAH sizləri ağanın layiqli xidmətçilərindən qərar versin İnşəllah!
|
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.