Hüseynçi
Hüseynçisənsə əgər gəl gedək Hüseyn yolunu,
Çatırsa qüdrətin aç ey gözüm əlin-qolunu.
Gərək ki, saf-çürük etsək, həmən sağın-solunu,
Əgər oturduğun həm durduğun fasiqsə
Çətin ki, səndən Hüseynçi ola o hər nəysə.
Hüseynçinin üzü gülməz, solar Muhərrəmdə,
Hüseynçi Həzrətə layiq yanar həmən bəndə.
Hüseynçi göz yumacaq gördüyü naməhrəmdə,
Çıxıb Hüseyn deyə amma dua edə yezidi?
Nə yeziddən çəkə əl, yəni düzəməz əbədi.
Hüseynçi Allaha xatir edər ibadətini,
Düşəndə din xətərə, görsədər şücayətini.
Hüseynçi eşq ilə edər yarın ziyarətini,
Hüseynçi dininə xatir veribdi əllərini
Su yoxsa qan ilə suvardı o Hüseyn güllərini.
Hüseynçi rəhbəri satmaz, çətin olarsa işi,
Xəyanət eyləməz ona əgər olarsa kişi.
Uyarsa batilə dəysə əgər harama dişi,
Dili deyər həmişə La ilahə İlləllah
Əməldə isə edər zalıma kömək vallah.
Hüseynçi qul olar Allahına edər səcdə,
Deyəndə Ya Əli! vallahi ki, gələr vəcdə.
Hüseynçi zikr edəndə o hər gündüz-gecədə,
Tökər gözün yaşını ağlayar məhəbbət ilə
Məqama çatdırar Allah onu şəfaət ilə.
Hüseynçi dövlətə xatir Hüseyndən əl çəkməz,
Yalançı şöhrətə xatir Hüseyndən əl çəkməz.
Riyaya, zillətə xatir Hüseyndən əl çəkməz,
Anası Həzrəti Zəhraya yad olan birini,
Məcalis içrə böyütməz, kəsər dilini.
Hüseynçi düşməni güldürməz heç zaman özünə,
Hüseynçi harda olar bəs, dəyər verər özünə.
Şücayət ilə olar ox o düşmənin gözünə,
Hüseynçini görə düşmən, sözün danışsa kəsər
Düşəndə yadına yatağında da vücudu əsər.
Hüseynçi mərd olar verməz əlindən imanı,
Hüseynçi rədd eliyər zalım olan sultanı.
Hüseynçi qırmaz o Hüseynlə əhdi-peymanı,
Hüseynçi Cahida hər vaxtı Hüseyn nökəridi
Sənə də kaş deyəydilər Hüseyn çakəridi.
|
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.