Axund Mirbağır ağa Ağazadə ocağı
Axund Mirbağır ağa Ağazadə ocağı
Respublikamızın din alimlərindən biri də iyirmi iki ildən artıq Xorasan dini mərkəzində və Nəcəfül-əşrəfdə Ali Ruhani Məktəbdə təhsil alan axund Mirbağır ağa Ağazadədir. Onun indi də, həmin məktəbdə şərəf lövhəsində şəkli vardır. Mirbağır ağa 1857-ci ildə Salyan şəhərinin köhnə Bərəüstü məhəlləsində sıravi ruhani Hacı Zeynalabidinin ailəsində anadan olmuşdur. Mirbağır ağa Salyanda yaradılmış mədrəsədə (onun yaradıcısı Mir Heydər ağa olmuşdur) ilk təhsilini almışdır. O, şeyx Əbdül Səməd ağa, Seyid İbrahim Salyani, Axund Mirzə Xəlilullah və başqaları ilə birlikdə 1887-ci ildə ona dərs deyən müctəhidlər Seyid Kazım Təbatəbai və Ayətullah Şərəbyani ona Nəcəfül-əşrəf şəhərinə oxumağa getməyi məsləhət görmüşlər. Onunla
birgə bir neçə azərbaycanlı da təhsilini həmin ruhani məktəbində davam etdirmişdir. Astronomiya, riyaziyyat, həndəsə, nəbatat, təbabət elmlərinə mükəmməl yiyələnən Mirbağır Ağa böyük elm sahibi kimi tanınmışdır. 1930-cu ildə həbs edilmiş və 1932-ci ildə Stalinə məktubla müraciət etmişdir. 1933-cü ildə həbsdən qayıtdığı vaxt tikdirdiyi məscidlərdən və mədrəsələrdən əsər-əlamət qalmamışdı. Adi ruhani kimi fəaliyyət göstərmiş və yenə də əvvəlki böyük nüfuzu qalmışdı. Lakin 1937-ci ildə həbs edildikdə qərarı qəti verdilər: "Güllələnsin və bütün mülkiyyəti əlindən alınsın!” Bu, onun ailəsinə və əsasən xalqına ağır cəza idi. Mirbağır ağa Qazaxıstanın Karaqanda şəhərində 1941-ci ildə rəhmətə getmişdir.
Kitabın adı: Azərbaycan və Əhli-beyt irsi
|
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.