Mir Ələsgər Ağa Ocağı
Mir Ələsgər Mir Həşimoğlu 1895-ci ildə İsmayıllı rayonunda anadan olub. Mir Ələsgər ağanın babalarının bu rayona gəlişi XVI yüzildə baş verib. Mir Ələsgər ağanın babaları bu ərazilərə Güney Azərbaycanın Ərdəbil şəhərindən köçüblər. Mir Ələsgər Mir Həşimoğlunun şəcərəsi dördüncü İmam Zeynəlabidinə (ə) yetişən seyid nəslinə bağlıdır. O, dinə bağlılığı, Al- lah, Həzrət Peyğəmbər (s) və Əhli-beytinə olan sevgisi ilə həyatını bəzəyən bir ömür yaşayıb. Mir Ələsgər ağanın kəramətlərini görən insanlar onu gerçək Allah adamı kimi tanımış, ömrünün sonunadək ziyarətində olmuşlar. Mir Ələsgər ağa bolşeviklər Azərbaycanı işğal edənədək Bakıda Muxtarovun neft mədənlərində rəis müavini kimi fəaliyyət göstərmişdir. Sonradan Qubadlı rayonuna köçən Mir Ələsgər ağa ömrünün sonunadək bu rayonun Göyərabas kəndində yaşamışdır. 1970-ci ildə dünyasını dəyişən Mir Ələsgər ağa İmamzadə ziyarətgahının qəbiristanında dəfn olunmuşdur. Oğlu Zeynal Mirhəşimli Qubadlı rayonundakı 1 saylı şəhər orta məktəbinin hərbi hazırlıq müəllimi işləmişdir. Zeynal Mirhəşimli 2012-ci ilin fevralın 22-də dünyasını dəyişmişdir. Mir Ələsgər ağanın nəvəsi Rəsul Mirhəşimli Azərbaycanın tanınmış araşdırmaçı-jurnalistidir. Təsəvvüf dünyagörüşünü araşdıran Rəsul Mirhəşimli "Allah dostları” adlı kitabın müəllifi, Şəms Təbrizinin "Məqalat” əsərinin dilimizə tərcüməçisidir. Mir Ələsgər ağanın dediyi sözlərdən biri bu gün də aktualdır: "Nemət o zaman şirin olur ki, onun Allahdan gözəl hədiyyə olduğunu anlayasan və bu neməti ehtiyacı olan insanlarla böləsən”.
Kitabın adı: Azərbaycan və Əhli-beyt irsi
 |
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
