NAMAZ

İslam övladı üçün , öncə şəhadətdi namaz.

Pak olan qəlbə qida , ruha şəfaətdi namaz.

Şəriət hökmünə , əlbətdə itaətdi namaz.

Səcdə et , yığ yükü yük üstünə ,sərvətdi namaz.

ALLAHA səcdədi ,Peyğəmbərə hörmətdi namaz.

O namaz ki,onu vaxtilə Peyğəmbər (s) qılmış.

Tanrının şiri , o həqq aşiqi Heydər (ə) qılmış.

On bir övladı ilə Fatimə (ə) yeksər qılmış.

Dur qoşul sən də bu sıx cərgəyə,vəhdətdi namaz.

ALLAHA səcdədi , Peyğəmbərə hörmətdi namaz.

O namaz ki , onu göylərdə mələklər də qılır.

RƏBBİNƏ səcdə edən bəndələr hər yerdə qılır.

Dəstə-dəstə yığılıb KƏBƏYƏ , bir yerdə qılır.

"Mustəqim” yol ki deyirlər, ona dəvətdi namaz.

ALLAHA səcdədi , Peyğəmbərə hörmətdi namaz. 

Səni aldatmasın aləmdəki bu cah-cəlal.

Xaliqi zikr edən ol , eyləmə şeytani xəyal. 

Hər əzan vaxtı pak ol , niyyət ilə dəstəmaz al,

"Həmd”i – "İxlas”ı oxu , qayəti ayətti namaz.

ALLAHA səcdədi , Peyğəmbərə hörmətdi namaz.

Tanrı nuru yaradıb zülməti tərk etmək üçün.

Zülməti xəlq elədi , fərqini dərk etmək üçün.

Namaz əmr oldu ki , bəd işləri tərk etmək üçün.

Ədəb-ərkandı , mərifət , həya ismətdi namaz.

ALLAHA səcdədi , Peyğəmbərə hörmətdi namaz.

Bax namaz əhlinə , ay tək üzü aydın parlaq.

Çünki , qəlbində həsəd yoxdur , imandır ancaq.

Dəstəmazın suyu möminlərin üzün etmiş ağ,

Tanrının dərgahına əl açmağa hacətdi namaz.

ALLAHA səcdədi , Peyğəmbərə hörmətdi namaz.

Tövbə et keçmişinə , bəlkə də ömrün var hələ.

Hər namaz vaxtı tələs sən də bu xeyruləmələ

Qibləyə üz tutaraq , üz-üzə dur RƏBBİN ilə

Aşiqin məşuq ilə etdiyi söhbətdi namaz.

ALLAHA səcdədi , Peyğəmbərə hörmətdi namaz.

Kim namaz aşiqidir , Tanrı ona yar olsun

Axirət sorğu sualında həvadar olsun.

Namaz əhlinə yaraşmaz özü qəddar olsun.

Çünki "ƏR-RƏHMAN”olan Xaliqə xidmətdir namaz.

ALLAHA səcdədi , Peyğəmbərə hörmətdi namaz.

Yusifa , qəbrə qədər həqqə ibadət elə sən !

Tanrıya layiq olan kəlmələri al dilə sən !

Oxu hər yerdə gözəl şerini avaz ilə sən !

Bəşər övladına hər yerdə hidayətdi namaz. 

ALLAHA səcdədi , Peyğəmbərə hörmətdi namaz

 

Pərvaz edir ürəklər - gülzari-Kərbəlayə,

Əhsən deyir mələklər - zəvvari Kərbəlayə.

Hər kəs edə ziyarət  sultani-Kərbəlanı,

Guya edib ziyarət ərşində kibriyanı,

Səy elə vermə əldən - bu feyzi-cavidanı,

Tez gəl amandı, tez gəl  didari-Kərbəlayə.

Hər feyzidən müqəddəm,  hər fərzidən fərizə,

Yaz altıguşə qəbrə  əşgilə ver ərizə,

Xaki-şəfanı İslam  əşkinlə ver mərizə,

İxlasilə dəxil ol dərbari-Kərbəlayə.

Bu rahi-Kərbəladı,  rəncü-bəlasız olmaz,

Eşqin yolu çətindi,  qəmsiz nəvasız olmaz,

Tök göz yaşın camalə  qədrü-bəhasız olmaz,

Göndər bu dürrü-əşki  bazari-Kərbəlayə

Bir səs gəlir rəvaqdan vay oxlanan balam vay,

Dərya yanında ətşan gül tək solan balam vay,

Pərvanə tək əşrari  şəmə yanan balam vay,

Seyd oldun ey qəzalım əşrari-Kərbəlayə.

Tufandı Neynəvada,cəm əyləşib cəm üstə,

Matəmdi mətəm üstə,hey qəm gəlir qəm üstə,

Səqqayi-Kərbəlanı tap nəhri-Əlqəm üstə,

Hər dərdin olsa söylə sərdari-Kərbəlayə.

Çıx təlli Zeynəb üstə bax qəmli xeyməgaha,

Zeynəb o təllin üstə çox qaçdı qətligaha,

Əl xəncərə atanda təsir edib sipaha,

Ağlaşdı qovmi-kafir qəmxari-Kərbəlayə.

Bilməm nə məhşər oldu əl xəncərə atanda,

Əllər yaralananda, məcər qana batanda,

Gün batdı Şümri-zalım amalına çatanda,

Ləşkər xəbər apardı bimari-Kərbəlayə.

Bir ömür səslənibsən ya Kərbəla, Kərimi,

Bu Kərbəla, bu sənsən, eylə nəva, Kərimi,

Əqvam və aşnayə eylə dua, Kərimi,

Birdə çətin düşər yol bazari-Kərbəlayə.

 

Olaydım o susuz yara əzadar.

Ağlayıb birgə deyəydik, bizədə şəfaət eylə,

O mübarək hərəmə bizi də zəvvarın eylə.

Bir duraydıq gözü yaşlı o Hüseyn qəbrinin üstə,

Sinəzənlərlə keçəydik o yolu dəstəbə-dəstə.

Mətləbin səndə yuvanma o Ağamdan özün istə,

De izzətin artır, bizədə kəramət eylə.

Hərəmi Həzrət Əlinin qapısında dayanaydıq,

O mübarək məzarın başına bahəm dolanaydıq.

Yəni pərvanə olub şəninə eşq ilə yanaydıq,

Öpərək qəbri deyəydik, bizədə məhəbbət eylə.

Ağamın olduğu yerdə dayanıb nohə deyəydik,

Ayağı dəydiyi yerlərdə düşüb bizdə gedəydik.

Eşq ilə dildə duayi Fərəcin zikrin edəydik,

Hamı fürsətdi deyəydi, odu gəl ibadət eylə.

İndi o ülvi məkanlardada tuğyan edir azğın,

Başı kəsməklə töküb qan, zülm ilə saldılar qırğın.

Qoyma ya Rəbb bu biyabanidə millət qala çaşqın,

Odu lütfü kərəminlə onları hidayət eylə.

Ola imkan gedə hər kəs bu biyabanə hər ildə,

Eşq ilə vursun o sinə girə meydanə hər ildə.

Gələ Zəhra deyər aşiq kimi mehmanə hər ildə,

Səndə bu cəmidə bahəm balamı ziyarət eylə.