377 Baxmaq
1717.Göz qəlbin bələdçisidir.
6125.İmam Əli (ə): «Göz qəlbin qasididir.»
6126.İmam Əli (ə): «Göz qəlbin xəfiyyəsi və ağlın qasididir.»
6127.İmam Əli (ə): «Qəlb gözün kitabıdır.»
1718.Gözlər şeytanın torlarıdır.
6128.Allahın Peyğəmbəri (s): «Çox və lazımsız baxışlardan çəkinin. Çünki o nəfsi istəklərin toxumunu səpir və qəflət doğurur.»
6129.İmam Əli (ə): «Gözlər(in baxışları) şeytanın torlarıdır.»
6130.İmam Əli (ə): «Gözün korluğu çox baxmaqdan daha yaxşıdır.»
6131.İmam Əli (ə): «Gözünün cilovunu buraxan şəxs həyatını çətinliyə salar. Baxışlarının arası kəsilməyənin həsrəti uzun çəkər.»
6132.İmam Əli (ə): «İçində Allah zikr edilərək xatırlanmayan hər bir söz, bihudədir. Təfəkkürlə birgə olmayan hər bir sükut səhvdir.İçində ibrət olmayan hər bir baxış, əbəsdir.»
6133.İmam Sadiq (ə): «Nə çox bir baxış var ki, uzun bir həsrət yaradıb.»
1719.Üzlərinə baxmaq ibadət olan kəslər.
6134.Allahın Peyğəmbəri (s): «Alimə baxmaq ibadətdir. Ədalətli rəhbərə baxmaq ibadətdir. Ata-anaya məhəbbətlə baxmaq ibadətdir. Allaha xatir sevdiyin qardaşa baxmaq ibadətdir.»
6135.Allahın Peyğəmbəri (s): «Üç şeyə: ata-anaya, Qur‘ana və dənizə baxmaq ibadətdir.»
1720.Gözü yerə dikməyə təşviq.
Qur‘an:
«Mömin kişilərə de ki, gözlərini (naməhrəmlərdən çevirərək) yerə diksinlər, ayıb yerlərini qorusunlar. Bu, onlar üçün daha yaxşıdır. Şübhəsiz ki, Allah onların nə etdiklərindən xəbərdardır. Mömin qadınlara da de ki, gözlərini (naməhrəmlərdən çevirib) yerə diksinlər, ayıb yerlərini qorusunlar, öz-özlüyündə görünən istisna olmaqla, zinətlərini göstərməsinlər.»
Hədis:
6136.Allahın Peyğəmbəri (s): «Adəm oğlunun bədən üzvlərinin hər birinin zina payı var, gözün zinası da baxmaqdır.»
6137. Allahın Peyğəmbəri (s): «Gözlərinizi (harama) yumun ki, füsunkarlıqları görəsiniz.»
6138. Allahın Peyğəmbəri (s): «Kim gözlərini haramla doldursa, tövbə edib əməlindən əl çəkməsə, Allah qiyamət günü onun gözlərini odla doldurar.»
6139.Allahın Peyğəmbəri (s): «Gözlərini ərindən qeyrisi və ya ona məhrəm olmayan şəxslərlə dolduran ərli qadına qarşı Allahın qəzəbi, şiddətlidir.»
6140.İmam Əli (ə): «Gözünü aşağı dikən kəs qəlbini rahat edər.»
6141.İmam Sadiq (ə): «Baxış iblisin zəhərli oxlarından biridir. Kim başqası üçün deyil, Allaha xatir öz gözünü (naməhrəmə) yumsa, bunun ardınca Allah ona tamını daddığı bir iman verər.»
6142.İmam Rza (ə) (Məhəmməd ibn Sinanın suallarının birinin cavabında): «Ərli qadınların, həmçinin digər qadınların saçlarına baxmaq ona görə haram edilib ki, bu, kişilərin təhrik olunmalarına səbəb olur, fəsada və harama, xoşagəlməz əməllərə düçar olmaqla nəticələnir. (Təhrik etmək baxımından) Tük kimi olan (digər) şeylər də belədir. Allah-taalanın «ərə getməyə ümidi qalmayan yaşlı qadınlar….» deyə buyurduğu hallar istisnadır və belə qadınların saçlarına baxmağın eybi yoxdur.»
1721.İlk baxış qeyri-ixtiyari, ikinci baxış isə qəsdəndir.
6143.Allahın Peyğəmbəri (s) (Əliyə (ə) buyurmuşdur):–«Ey Əli, ilk baxış sənə məxsusdur, ikinci baxış isə sənin xeyrinə deyil, ziyanınadır.»
6144.İmam Sadiq (ə): «İlk baxış sənə məxsusdur, ikinci baxış sənin xeyrinə deyil, ziyanınadır, üçüncü baxış isə məhv olmaq amilidir.»
6145.İmam Sadiq (ə): «Baxışdan sonra (təkrar) baxış, şəhvət toxumu səpir və bu, sahibini fitnəyə (və günaha) sürükləmək üçün kifayətdir.»
1722.Kim gözəl bir qadın görsə…
6146.İmam Əli (ə): «Sizlərdən kim gözəl bir qadın görsə və ondan xoşu gəlsə, gedib öz xanımı ilə yaxınlıq etsin. Çünki gördüyünün bənzəri onun öz xanımında da var. Şeytana öz qəlbinə girmək üçün yol verməsin və gözünü həmin qadından döndərsin. Əgər arvadı yoxdursa, iki rəkət namaz qılsın, Allaha çoxlu şükr etsin, Peyğəmbərə və onun əhli-beytinə salavat göndərsin və sonra Allahdan ona öz fəzlindən əta etməsini istəsin. Allah Öz mehribanlıq və mərhəmətiylə onun ehtiyacını aradan qaldıracaqdır.»
Kitabın Adı Mizanul-Hikmet 2-cild (xülasesi)
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
