İmam Rza (ə) can üstündəki zəban halı
Bacım Məsumə gey qara, Rza öldü qəribanə
Yanımda bir kəsim yoxdur, özün tez gəl Xorasanə
Bacı eylə nəva, qərib öldü Rza
Salıb qəhri sitəm, od canıma qəlbim alovlandı
Vurub qan laxta ağzımda dodağım od tutub yandı.
Bacı tez gəl, anam Zəhra, başım üstə nəvaxandı.
O qədər ağlayıb, döndü gözündən yaş, qızıl qanə
Bacı eylə nəva, qərib öldü Rza
Nə anam var, nə bacım var, gözümü bağlayan yoxdur,
Biri yox halıma yansın, ürəyin dağlayan yoxdur,
Yasim xor oldu qurbətdə, qəmimdə ağlayan yoxdur.
Özüm öz halimə yannam, ki, can verrəm yana, yana.
Bacı eylə nəva, qərib öldü Rza
Gözüm yolda qalıb, gəlsin Cavad oğlum bura əlan
Dizi üstə başımı alsın, tilavət eyləsin Quran
Üzüm üstə qibləyə Sarı, O, döndərsin verim ta can
Gözümü bağlasın barı, qəmimdə gəlsin əfğanə
Bacı eylə nəva, qərib öldü Rza
Məni hər kəs ziyarət eyləyə qəbrimi qurbətdə
Onun mən başı üstə, gələrəm can verən vəqtidə
Şəfayət eyləsin yana məşhər olanda nari nuranə
Bacı eylə nəva, qərib öldü Rza
Məzarım üstə tapşır, şiə niyyət eyləsin gəlsin
Hamidan eylirəm dəvət ki, hümmət eyləsin gəlsin
Gələndə qəbrini Qumda ziyarət eyləsin gəlsin
Bəşiri qovma qapıdan dəxil olmuş zəlidianə
Bacı eylə nəva, qərib öldü Rza