Təkəbbür
Haqqında aydın dəlil olan böyük günahların otuz üçuncüsü, təkəbbürdür. Necə ki, bu mətləb Fəzl ibni Sazanın İmam Riza əleyhis-səlamdan nəql etdiyi rəvayətdə buyrulmuşdur. Bu hədisin səhih olması bir çox kitabda qeyd olunmuşdur.
Zumər suresində buyurulur: (cəhənnəm təkəbburcülərin yeri deyildirmi?)
Yə'ni onların qalacağı yer Cəhənnəmdən ibarətdir. Ayrı bir yerdə buyurur: (Onlar) deyərlər: Əbədi olaraq cəhənnəm qapılarından içəri daxil olun,beləliklə cəhənnəm təkəbbürlülər üçün çox pis bir yerdir.
Muminin surəsində buyurulur: Allah - təala hər bir təkəbbürcü və sözə baxmayanın qəlbini beləcə möhurləyir. Və belə şəxslər bu möhür və nişanə ilə tanınacaqlar. Təkəbbür mövzusu barədə çoxlu ayələr mövcuddur ki, bu haqda şeytanın lovğalanmasına aid ayələrə diqqət yetirmək kifayətdir. Şeytan bu əməli vasitəsilə daşla qovulmuş, Lə'nətə gəlmiş və əbədi əzaba düçar olmuşdur. Necə ki, Bəqərə suresində buyurur: "Şeytan Adəmə səcdə etməkdən imtina etdi və beləliklə də kafirlərdən oldu".
Həzrət Əmirəl-mu'minin İmam Əli əleyhis-səlam xütbələrinin birində belə buyurur:
"İblis uzun əməli və hədsiz çalışmalarını batil etdikdə, Allahın onunla etdiyi reftardan ibrət alın. Bir halda ki, o, Allaha altı min il ibadət etmişdir ki, onun dünya və ya axirət illərindən olması məlum deyildir. (Bu isə)onun Adəmə bir saatlıq etdiyi təkəbbürü nəticəsində idi. "Həmçinin bir neçə kəlmədən sonra buyurur: Qabil kimi Allahın onun üçün heç bir üstünlük vermədiyi halda öz qardaşına təkəbbür etdiyi kimi olmayın. Yalnız özünü böyük saymaq hissi onu tutdu və həsəddən irəli gələn duşmənçilik, həmçinin qəzəb və təəssüblük atəşi onun qəlbində vurdu və şeytan onun burnuna təkəbbürlük və lovğalıq küləyi üfürdü. Ve o elə bir təkəbbür idi ki, onu əbədi peşmançılığa mübtəla etdi, və qiyamətdə bütün qatillərin günahı onu tutdu.
Bir sözlə Qabil qardaşına etdiyi təkəbbür üçun, həmişəlik bədbextçilik və daha çətin əzablara mübtəla oldu. Hemçinin o həzrət buyurur: Sizdən qabaq bə'zi ümmətlərə çatan bəlalardan ibrət götürün. Allahın qəzəbi, intiqamı və əzablarından nəsihət alın... Və zamanın hadisələrindən Allaha pənah apardiğınız kimi, təkəbbür gətirən səbəblərdən də Allaha pənah aparın. Həzrət Peyğəmbər buyurur: Allah-təala Qiyamət günü uü dəstə ilə danişmaz, onlara rəhmət gözü ilə baxmaz və onlar üçün şiddətli əzab olacaqdır: Qoca zinakar kişi, zalım hakim, təkəbbürlü yoxsul.
Yəni bu uç dəstənin əzabı cavan zinakar, qeyri zülmkar hakim və yoxsul olmayan təkəbbürlünün əzablarından artıqdır. Bunun səbəbi isə aydındır. Çünki bu üç dəstədə günahın zəminəsi mövcud deyildir. Cavanlıq şəhvəti olmayan qocanın zina etməsi, onun həyasızlıq və Allahın hökmlərinə e'tinasızliq etdiyi üçün,çox vaxtlar qocaların əzabı cavanların əzabından çox olacaqdır. Hakimin iqtidarı isə ədalət yaysın deyə Allah tərəfindən ona verilmiş bir əmanətdir. Beləliklə zülmkarlığı özünə peşeə seçdikdə, günahdan əlavə Allah ne'mətinə küfr etmiş və öz bəndəçiliyini inkar etmişdir. Təkəbbürlü yoxsul haqqında bunu demeliyik ki, bunun da cəzası varlıların cəzasından çox olar. Və beləliklə Allaha olan ibadətlər bir anda boşa gedər.
Mənbə: "Böyük günahlar" kitabı
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
