ALLAHIM...
ALLAHIM,yer üzünü ağzınacan doldurmuş zülmdən,haqsızlıqdan,ədalətsizlikdən,əxlaqsızlıqdan bütün qəlbimlə SƏNƏ şikayət edirəm.ALLAHIM,haqqın hər yerdə susdurulmasından,nahaqqın gurlamasından şikayət edirəm.ALLAHIM,hər yerdə şeytanın bayrağının dalğalanmasından şikayət edirəm.ALLAHIM,tapdanan haqlardan,tökülən qanlardan,axan yaşlardan,cavabsız qalan dualardan şikayət edirəm.ALLAHIM,zülmün,əxlaqsızlığın tüğyan etməsindən,fitnə-fəsadın hər yeri bürüməsindən şikayət edirəm.ALLAHIM,dinin içində din donuna bürünmüş iblis niyyətlərdən,Sənin dinini tanınmaz hala salanlardan,öz çirkin simaları ilə bəndələrini SƏNİN gözəl dinindən qaçıranlardan SƏNƏ şikayət edirəm.Haramlarının halal,halallarının haram sayılmasından haqq əhlinin zillətdə,nahaq əhlinin izzətdə olmasından,haqqın nazilib sapdan da nazik olmasından SƏNƏ şikayət edirəm.ALLAHIM..ALLAHIM yer üzü zülmlə dolu olduğu halda gəlib onu eyni şəkildə haqq-ədalətlə dolduracaq olan,gəlişini bütün kitablarında,bütün Peyğəmbərlərinin,bütün İmamlarının,bütün Övliyalarının dili ilə möhkəm şəkildə vəd etdiyin Mehdi (ə.f)-nin zühurunu tezləşdirməsini istəyirəm SƏNDƏN ALLAHIM.Bütün haqq əhlinin adından istəyirəm.Haqqa sevgisini,nahaqqa qəzəbini qoruyan bütün qəlblərin adından,haqsızlıqla barışmayan qəlblərin adından istəyirəm.Əhli-beytin tapdanan haqqı üçün acığından ilan kimi qıvrılanların,haramları halal sayılması üçün yaralı pələng kimi çırpınanların adından istəyirəm.SƏNİN və Dostlarının sevgisindən başqa bütün sevgiləri özünə haram edən qəlblərin adından istəyirəm ALLAHIM.Bütün məzlumların,bütün yaxşıların,bütün qeyrətlilərin,bütün mərdlərin,bütün haqpərəstlərin adından istəyirəm ALLAHIM.İstədiyi verilməyincə heç bir şeylə ovunmayan körpə kimi istəyirəm ALLAHIM.ALLAHIM onun gəlişini susuz torpaq suya möhtac olan kimi möhtacıq,bir ömür qaranlıqda yaşayan işığa möhtac kimi,bir ömür qış yaşayan bahara ehtiyacı olan kimi,bir ömür üşüyən istiyə möhtac olan kimi,vəhşi heyvandan qaçaraq sığınacağa möhtac olan kimi,suda boğulan tutacağa möhtac olan kimi möhtacıq ALLAHIM.Dərdli qəlblərin təsəllisini göndər ALLAHIM.Yaralı sinələrin məlhəmini,bütün dərdlərin dərmanını göndər ALLAHIM.Bütün qaranlıqların işığını,yüz illərin qışının baharını göndər ALLAHIM.Bütün bidətləri öldürəni,haqqı dirildib ucaldanı,göz yaşlarını siləni,yaraları sarıyanı,bütün əyrilikləri düzəldəni,yarıqları bərpa edəni,məzlumların intiqamçısını,haqları qaytaranı,yaxşıların mükafatı,pislərin bəlası olanı göndər ALLAHIM.Ey Vədi vədlərin ən gerçəyi olan ALLHIM.Ey göz yaşlarına rəhm edən,peşman olanı bağışlamağı sevən ALLAH.EY məzlumun intiqamını zalımdan almağı sevən ALLAH.EY nahaqla yüksələni alçaltmağı,haqq üstündə əziləni ucaltmağı sevən ALLAH.EY haqqın mükafatını,nahaqqın cəzasını verməyi sevən ALLAH.Ey hamı ümüdsüzləşəndə dada çatmağı,pənah yeri görsənməyəndə pənah verməyi sevən ALLAH.Ey sevindirməyi sevən ALLAH SƏNİ and veririk Peyğəmbərinə və onun Əhli-beytinə,onların fədailərinə və sadiqlərinə,onların SƏNİN yolunda çəkdikləri bütün müsibətlərə və udduqları qəhərlərə,onlarla SƏNİN aranda yaşanmış ancaq SƏNİN və onların bildiyi,keçə Bilmədiyin bütün haqlara.
Sevindir bizi.Sevindir bizi.Sevindir bizi.
Gül ey gözüm ağam gələr,
Ağlama,ağlama.
Köməyimizə İmam gələr,
Ağlama,ağlama.
Dindarlar azıb yolunu,
Qalmayıb iman da.
Zəmanın düzəlməyinə,
Daha yox güman da.
Söyləyib Peyğəmbərimiz:axirəz-zəmanda,
halal gedər, haram gələr,
Ağlama,ağlama.
Gül ey gözüm ağam gələr,
Ağlama,ağlama.
Köməyimizə İmam gələr,
Ağlama,ağlama.
YA RƏBBİM gözləmişəm,
Gör bir neçə ayı-il.
Onu görmədən almasın,canımı əzrayıl.
Haq gəldi,batil getdi,söyləyər Cəbrayıl.
Göydən bizə SALAM gələr,
Ağlama,ağlama.
Gül ey gözüm ağam gələr,
Ağlama,ağlama.
Köməyimizə İmam gələr,
Ağlama,ağlama.
Sən də gəlməsən bəs kim olar,bizim tərəfdarımız.
Dua eylərik ki,gələr havadarımız.
Bizim ki,Abbas kimi var Ələmdarımız.
Almağa intiqam gələr,
Ağlama,ağlama.
Gül ey gözüm ağam gələr,
Ağlama,ağlama.
Köməyimizə İmam gələr,
Ağlama,ağlama.
İmam gələndə sarıyar bu ürək yaramızı,
Biz ona tapşırmışıq öz evimizi-balamızı.
Hələm ki,itirməmişik biz Mehdi ağamızı,
Ağlamağa məqam gələr,
Ağlama,ağlama.
Gül ey gözüm ağam gələr,
Ağlama,ağlama.
Köməyimizə İmam gələr,
Ağlama,ağlama.
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6720
Bu gün: 0
