Hamiləlik günləri, doğuş günü və uşağı adlandırmaq haqqında

İmam Sadiq (ə) buyurur:"Qadınlar hamilə olduqları zaman onlara heyva yedizdirin. Onlardan dünyaya gələn uşaq sağlam və ətirli olar.”

Peyğəmbər (s) buyurur: "Hamilə qadın uşaq dünyaya gətirdikdən sonra ona xurma verin.Həzrəti Məryəm İsa (ə)-ı qurumuş xurma ağacı altında dünyaya gətirdi və ağac Allahın qüdrəti ilə yenidən göyərib xurma gətirdi və həzrəti Məryəm o xurmadan yedi. Xurma yeyən hamilə qadının övladı təmkinli və zirək olar.”

Yaxşı olar ki,təzə doğmuş qadına doqquz dənə Mədinə xurması tapmaq mümkün olmazsa Bərni xurması (xurma növüdür) və ya adi xurma verilsin.

Peyğəmbər (s)-dan nəql olunmuş hədisdə deyilir:"Hamilə qadınlara kundur verin. Kundur ana bətnindəki uşaq üçün ən faydalı qida məhsuludur. Əgər ana bətnindəki uşaq oğlan olarsa gözəl və iffətli olar.

İmam Hüseyn (ə)-ın həyat yoldaşı dünyaya uşaq gətirdiyi zaman qadınları eşiyə çıxarmağı əmr edərdi ki,qadın ilk növbədə uşağın övrətini görməsin (yəni qız və ya oğlan olduğunu elə həmən an bilməsin). Uşaq dünyaya gəldiyi zaman uşağın qız ya oğlan olduğunu yox,onun sağlam olub-olmamağını soruşardı. Uşaq sağlam dünyaya gəldikdə buyurardı:

(Əlhəmdulillahilləzi ləm yəxluq minni şəyən məşuhən).

(Şükr olsun Allaha ki,məndən çirkin və nöqsanlı bir övlad yaratmadı).

İmam Sadiq (ə) buyurur:"Uşağın göbəyi kəsilməzdən əvvəl mərciməyini, südü azacıq suda həll edib burnunun hər deşiyinə bir qətrə tökün, sonra sağ qulağına əzan, sol qulağına isə iqamə oxuyun. Əgər belə edərsinizsə həm uşaq, həm də onun anası bir çox xəstəliklərdən və qorxudan (iztirabdan) amanda qalarlar.

İmam Həsən və İmam Hüseyn (ə) dünyaya gəldikləri zaman Peyğəmbər (s) onların sağ qulaqlarına əzan, sol qulaqlarına isə iqamə oxudu,sonra ağızlarını təzə yetişmiş xurma ilə sildi.

İmam Sadiq (ə)-dan nəql olunmuş başqa bir hədisdə deyilir:"Təzə doğulmuş uşaqları sarı parça ilə bələməyin. Onların ağızlarını ya xurma ilə silin ya da İmam Hüseyn(ə)-ın türbəti ilə qarışdırılmış su ilə yaxalayın. Dünyaya gələn uşaq oğlan olarsa bu duanı oxuyun:

(Rəzzəqəkəllahu şukrəl-vahibi və barəkə ləkə fil-məvuhbi və bələğə bihi əşuddəu və rəzqəkə birrəhu).

Şükr olsun Allaha ki, sənə ruzi və övlad nəsib etmişdir.Sənə bəxş etdiyi övladı qüvvətləndirər və sənə də ruzi və nemət əta edər.

İbni İdris "Kitabi Sərair”də imam Sadiq (ə)-dan belə bir rəvayət nəql edir."Doğuş qadına çətin olarsa bu iki ayə dəriyə (və ya kağıza) yazıb onları qıçlarına bağlayın.

(Bismillahihir-rəhmanir-rəhim.Kəənnəhum yəvmə yərəvnə ma yuəduə ləm yəlbəsu illa saətən min nəharin kəənəhum yəvnə yərəvnahə ləm yəlbəsu illa əşiyyətən əvzuhaha iz qalət imrəətun imarəni rəbbi inni nəzərətu ləkə ma fi bətni muhərrərən).

1. "Tibbul-Əimmə” kitabının müəllifi İmam Məhəmməd Baqir (ə)-dan nəql olunmuş hədisdə deyilir:"Qadınlar doğuş zamanı çətinliklə üzləşələrlərsə onlar üçün bu ayəni oxuyun:

(Fəəcaəhəl məxazu ila cizin nəxləti qalət yaləytəni mittu qəblə haza və kuntu nəsyən mənsiya fənadaha mintəhtiha əlla təhzəni qəccələ rəbbuki təhtəki səriyya və huzzi iləyki bicizin nəxləti tusaqit ələyki rutəbən cəniyya).

Sonra uca səslə deyin:(Vəllahu əxrəcəkum minbutuni ummahatikum la tələmunə şəyən vəcəələ ləkumussəmə vəl əbsarə vəl əfidətən ləəlləkum təşkurun kazalikə uxruc əyyuhət-tələqu uxruc bi-iznillah.)

2. İmam Sadiq (ə) bu aşağıdakı ayəni kağıza yazıb hamilə qadının kürəyinə bağlamağı tövsiyə edir.Doğuş başa çatdıqdan sonra həmin ayəni bir saatda olsa onun kürəyində saxlamaq olmaz, çünki qadın uşaq düyaya gətirdikdən sonra nifas halında olur. (Əvələm yərəlləzinə kəfəru ənnəssəmavati vəl ərzə kanəta rətəqən təfətəqnahuma vəcəəlna minəl mai kullə şəyin həyy əfəla yominunə və ayətun ləhumulləylu nəsləxu minhunnəharə fə izahum muzlimun vəşşəmsu təcri limustəqərrin ləha zalikə təqdirul əzizil əlim vəl qəməru qəddərnahu mənazilə hətta adə kəlurcunil qədim ləşşəmsu yənbəği ləha əntudrikəl qəmərə vələl-ləylu sabiqunnahari və kullun fi-fələkin yəsbəhun və ayətun ləhum ənna əməlna zurriyətəhum fil-fulkil məşhun və xələqna ləhum min mislihi ma yərkəbun və innəşə nuğriq-hum fəla sərixə ləhum vəlahum yunqəzun illa rəhmətən minna və mətaən ilahin və nüfixə fis-suri fə izahum minəl əcdasi ila rəbbihim yənsilun).Sonra kağızın arxasında bu ayəni yazın (Kəənnəhum yəvmə yərəvnə mayuədunə ləm yəlbəsu illa saətən min-nəharin vəlağun fəhəl yuhliku illəl qəvmul fasiqun kəənnəhum yəvmə yərəvnəha ləm yəlbəsu illa əşiyyətən əvzəhiha).

İmam Baqir (ə)-dan nəql olunmuş hədisdə deyilir:"Ən yaxşı adlar Allahın bəndəliyinə dəlalət edən adlardır. Məsələn Peyğəmbər (s)-ın ən gözəl adlarından biri olan Abdullah.”

Əli (ə)-dan nəql olunmuş hədisdə deyilir:"Ata öz övladlarına ana bətnində olduğu zaman (4 aylığından sonra bir oğlan adı bir qız adı) ad qoymalıdır.

Həzrəti Məhəmməd (s), qızı Fatimə (ə) hamilə olduğu zaman bətnindəki uşağa Möhsün adını qoydu,amma uşaq Əhli-beyt düşmənləri tərəfindən şəhid edildi. Möhsün vaxtından tez ana bətnindən düşdü.Bu hadisə Peyğəmbər (s)-ın vaxtından sonra baş vermişdir”

Həzrət Peyğəmbər (s) buyurmuşdur:"Dörd oğlundan birinə mənim adımı qoymayan kəs məndən üz döndərmişdir.”

İmam Musa (ə)-dan nəql olunmuş hədisdə deyilir:"Allahın fəqir və imkansız bəndələri Məhəmməd, Əhməd, Əli, Həsən, Hüseyn , Cəfər, Talib, Abdullah və Fatimə adları olmayan evlərə daxil olmazlar.”

Bilin ki,Şeytan Məhəmməd və Əli adlarını eşitdikdə suya dönür və əli hər yerdən üzülür. Əhli-beyt düşmənlərinin adını eşitdikdə isə böyük fərəh hissi keçirir. 

İmam Sadiq (ə)-ın səhabələrindən biri oğlunun adını Məhəmməd qoyur.İmam Sadiq (ə) uşağın atasına göz aydınlığı verdikdən sonra deyir: İndi ki,uşağın adını Məhəmməd qoymusan, gərək onun tərbiyəsinə xüsusi diqqət yetirəsən. Ona acı söz deyib vurma . Allahın mələkləri Məhəmməd adı olan evləri əziz və müqqədəs bilirlər.

Peyğəmbər (s)-dan bu məzmunda nəql olunmuş başqa bir hədisdə deyilir:"Övladlarınızı Allaha xas olan sifətlərlə (Həkim, Həkəm, Xalid, Malik və s. adlandırmayın. Bu dörd künyəni də onlara qoymayın "Əbul Qasim, Əbul İsa , Əbul Həkəm, Əbul Malik.”

Övladlarınızın adı Məhəmməd olarsa ona O həzrətin künyəsini (Əbul Qasim) qoymayın.Uşaqlarınıza yasin adını da qoymayın. Bu ad Həzrəti Məhəmməd (s)-a məxsus bir addır.

Başqa bir hədisdə deyilir: "Məşvərət üçün bir yerə toplaşanların içində Əhməd, Məhəmməd,Hamid, Mahmud adlı şəxslər olarsa yaxşı olar ki, onların rəyini qəbul edəsiniz. Və məclisə Məhəmməd adlı bir uşaq daxil olarsa onun üçün ayrıca yer ayırın. Agah olun ki, bu müqəddəs və Allah dərgahında çox əziz bir addır. Allah-təala Məhəmməd adı olan evlərə səhər və axşam bir mələk göndərər və mələk həmən ev sahibləri üçün dua edər.

"Fiqhur-rza”-da deyilir: "Uşağa ana bətnində ad qoymazsa gərək yeddi günlüyündə ona bir ad verilsin, sonra niyyət edib uşağa qüsl verilsin.” Niyyət bundan ibarətdir: Təzə doğulmuş körpəyə Allaha xatir qüsul verirəm.Su birinci uşağın başına, sonra sağ tərəfinə daha sonra sol tərəfinə tökülür.