İnsanlığa layiq olan,əxlaq və rəftarların gözəlliyini özündə tərənnüm etdirən bu xəbəri cəm edib, İlahi sifət şəxslərin gözəl
fərmayişləri ilə qısa şəkildə və sadə misallarla açıqlayıb məqalə şəklində oxuyucuların xidmətinə təqdim etməyi özümə borc
və vəzifə bilirəm.
Doğru, düzgün, həqiqi ədalətli yollarla addımlayıb,insana lazım olan səadəti əldə etmək üçün hər bir şəxsə lazımdır ki,hər şeydən əvvəl özünü tanısın,öz xaliqinin ona lazım və vacib etdiyi əməlləri yerinə yetirsin. O, əxlaqsız əməllərindən uzaqlaşsın. Hər bir əməllərində "Peyğəmbərləri, Əhli-beyt" (əleyimus-salam)-ı özlərinə örnək bilib onların fərmayişləri qarşısında itaət etsinlər.
İnsanlarla necə rəftar etmək üçün Allah təala Qurani-kərimdə Peyğəmbər (s.a)-a belə xitab edir:
"Ey Peyğəmbər!İnsanları hikmətlə, gözəl dəlillərlə yaxşı öyüd-nəsihətlə Allah yoluna (İslam dininə) dəvət et. Onlarla söhbət aparanda, mübahisə edəndə onların öz əqli müqabilində yaxşı, gözəl və əqlə batan sözlərlə mübahisə et."