ALLAHım! Göz açıb yumana qədər də olsa, bizi razı olmayacağın şeylərlə baş-başa buraxma..
ALLAHım! Səndən sadəcə səni istəyirəm.
Mənim ehtiyacımı da Sən bilirsən.
ALLAHım! Səni dərk etmək üçün mərifətimi və eşqimi artır.
ALLAHım! Tanınan bir insan olmağı deyil, tanımasalar da, Səni gözəl tanıyan dərk edən bir insan olmağı arzu edirəm.
ALLAHım! Məni öz istəklərim deyil, Öz muradın istiqamətində yönəlt.
Özünü ən yaxşı kimə bildirmisən, tanıtmısansa, Səni o qədər bilmək, dərk etmək istəyirəm, ALLAHım!
ALLAHım! Mənə verəcəyin nemətlər məni yoldan azdıracaq və ya istiqamətimi dəyişdirəcəksə, onları istəmirəm. Nə olar məni bacarmayacağım imtahanla sınağa çəkmə.
ALLAHım! Sənin xeyir və gözəl işlərə ehtiyacın yoxdur. Amma mənim Sənin ilahi lütfünə ehtiyacım çoxdur..
Ya Rəbbim...
ALLAHım sənə əllərimi açdım,ürəyimi açdım. Sənin varlığına Şükr edirəm.
Sənə yalvarıram Rəbbim, məni, bütün sevdiklərimi qoru, günahlarımızı bağışla.
Bizləri əməli saleh bəndələrindən et,düzgün yolu göstər.
Darda qoyma,mərhəməti sonsuz olan ALLAHım, mərhəmətini bizlərdən əsirgəmə.
Dünyamızı xəta bəlalardan hifs eylə.
AMİN!!
"Ey Rəbbimiz! Bizə dünyada da, axirətdə də gözəl nemətlər ver, bizi cəhənnəm əzabından qoru!"
"Ey Rəbbim! Məni də, nəslimdən olanları da namaz qılanlardan et. Ey Rəbbim, duamı qəbul buyur!"
"Ey Rəbbim! Bilmədiyim bir şeyi Səndən istəməkdən Sənə sığınıram. Əgər məni bağışlamasan, rəhm etməsən, ziyana uğrayanlardan olaram"