Әl-əlim

Әl-əlim (150)-bilən.Bu adın şərhi <<Rəhnomaye beheşt>>kitabının birinci cildində verilmişdir.
Uğur qazanmaq üçün,aşkar və gizlin mətləbləri bilmək üçün 10 dəfə demək lazımdır.Qırx gün müddətində hər gün 150 dəfə oxumaq yaxşıdır.İmam Rza(ə) buyurmuşdur:Hər kəs <<Әlim>>kəlməsini ürəyindən keçirsə(və Allahı hər bir işdə alim bilsə) elm və bilməkdən ləzzət alar.
Әgər gizli bir şeydən agah olmaq istəyirsə üç gecə dəstəmaz alıb iki rəkət namaz qılsın,namazdan sonra 150 dəfə bu zikri oxusun və yuxuya gedənə qədər salavat göndərsin.Nəticədə həmin gizlin iş onun üçün açılar.Hafiz (980)kəlməsindədə bu xüsusiyyətlər vardır.
Әl-əlim bütün sirrləri bilən və bütün qəlblərdən agah olan.
Bu ismi çox zikr etmək həqiqi maarifə yiyəlnməyə,mühüm hacətləri həyata keçirməyə böyük təsir göstərir.Hər namazdan sonra bu ismi on dəfə zikr etmək qeybi kəşflər üçün faydalıdır.
Bəzi kitablarda qeyd olunmuşdur ki,bu ismi çox zikr edən şəxsə Alla-təala elmlərin dəqiqliyini öyrədər.
Hər kim gizli bir işdən xəbərdar olmaq istəsə üç gecə hər gecədə iki rəkət namaz qılıb sonra yüz əlli dəfə bu ismi zikr edib salavat göndərsə,yuxuda həmən işin sirrindən agah olar."Alim"və "Әllam"isimlərini də çox zikr etmək həmən faydalara malikdir.
Hər kim gün ərzində min dəfə : ya əllaməl ğuyub fə la yəfutu şəyun min ilmihi və la yəuduhu min hifzihi desə,iqbal və dövlət ona üz gətirər və xalq arasında möhtərəm və əziz olar,onun bütün mühüm işləri həll olar və heç kimdən pislik ona yetişməz.
Hər kimin baş ağrısı olsa əlini başına qoyub desin:"uskun səkəntukə billəzi səkənə ləhu ma fil ləyli vən nəhari və huvəs səmiul əlim".
Hər kimin qulağı ağrasa əlini qulağına çəkə-çəkə desin:"əuzu billahil ləzi səkənə ləhu ma fil bərri vəl bəhri və ma fis səmavati vəl ərzi huvəs səmiul əlim".
Şərh-Bu isim Qurani Kərimdə 153 dəfə qeyd olunmuşdur ki,onlardan 36 dəfə Həkim ismi ilə,32 dəfə Səmi ismi ilə,7 dəfə Vasi ismi ilə,6 dəfə Әziz ismi ilə,4 dəfə Xəbir ismi ilə,4 dəfə Qədir ismi ilə,3dəfə Həlim ismi ilə,2 dəfə Xəllaq ismi ilə,2 dəfə Şakir ismi ilə,bir dəfə Fəttah ismi ilə yanaşı və 12 dəfə "zatis-sudur" barədə,5 dəfə xeyir işlərdə infaq barədə,5 dəfə əməllər barədə,4 dəfə zalımlar barədə,2 dəfə müttəqilər barədə,bir dəfə qadınların hiyləsi,elm sahiblərinin fövqündə olması,fəsad törədənlər və yaradılış barədə,20 dəfə "kulli şəy" (hər şey) barədə və bir dəfə "kulli xəlq" (bütün məxluqat) barədə istifadə olunmuşdur.
Fəxri Razi aşağıda qeyd olunlarla Allahın elmini insanların elmindən üstün bilmişdir:
1.Allah-təala vahid elmlə bütün mövcudata alimdir;
2.Allahın elmi məlumatların dəyişməsi ilə dəyişməz;
3.Allahın elmi həvəs və fikirdən yaranmayıb;
4.Bir elm,Allahı digər elmdən qafil etmir!
"Allah gözlərin xəyanətini (gizlicə gözaltı baxmaqlarını) və sinələrin gizlətdiyini bilir".
"Әgər sözü aşkar söyləsən (ya gizlətsən,bil ki,) O,həqiqətən,sirrləri və gizliləri bilir ."

Kitabın adı: Allahın 99 gözəl adları (şərhi ilə birlikdə)
Müəllif: Həbibullah Şərif Kaşani