Əvvəllər vəhhabi olan birisi Qurandakı bir ayəni oxuyaraq şiə oldu

Bu yazıda yeni şiə olmuş insanın özünün şiəliyə necə gəlməsi haqqında dedikləri qeyd olunubdur.
Buyurub sonadək oxuyun.

"Mən əvvəllər vəhhabi idim və daim düşünürdüm ki, görəsən məzhəbim haqdır yoxsa yox ?...
Biz vəhhabilərin adəti bu idi ki, Qur'ani-Kərimi daim oxuyurduq.
Günlərin birində Qur'an oxuyarkən Maidə surəsinin 82-ci ayəsinə gəlib yetişdim.

{ لتجدن أشد الناس عداوة للذين آمنوا اليهود والذين أشركوا } (المائدة/ 82)

Ayənin tərcüməsi belədir:
{Şübhəsiz, insanların iman gətirənlərə qarşı düşmənçilikdə ən qatısının yəhudilər və müşriklər olmasını görəcəksən}

Bu ayəni oxuyarkən bu ayənin mə'nası məni düşündürməyə vadar etdi. Anladım ki, Hz.Peyğəmbərin (s) gətirdiyi İslamı daşıyan mö'minlərin əsl və qatı düşməni yəhudi və müşriklərdir.

İlk əvvəl indiki yaşadığımız dünyadakı müsəlman ölkələrini bir-bir zehnimə gətirərək bu ayəyə əsasən yəhudi və müşriklərin indiki müsəlman ölkələrinin hansı ilə qatı düşmənçilik etməsi haqqında düşündüm.
İlk əvvəl Səudiyyə zehnimə gəldi; dedim ki, bu ölkə yəhudi və müşriklərlə gözəl əlaqələrə malikdir, deməli bu ölkə Qur'anın dediyi Peyğəmbər(s) dinində deyildir.
Sonra zehnimə Misiri gətirdim, onun da yəhudilərə qul olduğunu yadıma saldım.
Sonra Pakistan, Əfqanıstan, Qazaxıstan və Orta Asiyanın müsəlman məmləkətləri, Azərbaycan, Livan, Türkiyə, Qatar, Tunis, Əlcəzair, və s. digər yerdə qalan müsəlman ölkələrini yadıma saldım və hər dəfə də onların yəhudi və müşriklərlə gözəl siyasi-iqtisadi, hərbi və mədəni əlaqələrə malik olduğunu xatırladım.
Amma zehnimə bir müsəlman ölkəsini də gətirərkən axır ki, bu Qur'an ayəsinin bugünkü misalını tapa bildim:
İran.

Gördüm ki, yəhudilər və bütün dünya müşrikləri İran İslam məmləkətinin üzərinə düşüblər və onların hamısı bu İslam məmləkətinə ədavət bəsləyərək ona müxtəlif embarqolar tətbiq edərək bu məmləkəti aradan aparmaq istəyirlər.

Mən də bu nəticədən sonra heç düşünmədən bu məmləkətin məzhəbini qəbul etdim və Allaha çox şükürlər olsun ki, Öz əzəmətli kitabının 1 ayəsi ilə mənə həqiqəti başa saldı."