Doğru yoldan azmağın kökləri
Bə`zi əxlaq alimlərinin dediyinə görə, doğru yoldan azmağın səbəbi üç şeydədir:
1. Şəhvət qüvvəsi;
2. Qəzəb qüvvəsi;
3. Xəyal və vəhm qüvvəsi.
Əgər birincinin qarşısı alınmasa ismətsizliyə, abırsızlığa və pozğunluğa səbəb olacaq. Əgər ikincinin qarşısı alınmasa yersiz əsəbləşməyə, dava-dalaşlara və fitnələrə səbəb olacaq. Üçüncüsünün qarşısı alınmasa, təkəbbürə, zülmə və haqsızlığa səbəb olacaq. İstər kişi, istər qadın olsun, insan gərək məs`uliyyət hissiylə, təqva və öhdəsinə almaqla bu qüvvələri nəzarətə götürüb onlardan islah və təkamül üçün bir vasitə kimi istifadə etsin.
Bizim pusqumuzda dayanmış səkkiz gözətçi
Məs`uliyyət hiss etməyimiz üçün Qur`an ayələrinə və mə`sumlardan nəql olunan hədislərə nəzər salaq. Mütəal Allah tərəfindən hər gün bizə səkkiz gözətçi nəzarət edir. Bu gözətçilər bizi əhatə edib pis və yaxşı hərəkətimizi, sözümüzü yazırlar, yaxud onları saxlayırlar. Nəzarətçilər bunlardan ibarətdir:
1- Məkan;
"Zilzal” surəsinin 4-cü ayəsində buyurulur: "Qiyamət günü yer öz hekayəsini söyləyəcəkdir”.
2-Zaman;
İmam Əli (ə) buyurur: "Günlər hər gün deyər:
Mən təzə günəm. Məndə etdiyin hər bir əmələ şahidəm”.
3-Dil;
Qur`anda "Nur” surəsi, 24-cü ayədə buyurulur: "Qiyamət günü insanların dilləri (onlar qazandıqları günahlarını dandıqda) etdikləri əməllər barəsində onların əleyhinə şəhadət verəcəklər”.
4-Bədən üzvləri;
"Yasin” surəsinin 65-ci ayəsində buyurulur: "Bu gün onların ağızlarını möhürləyərik. Etdikləri əməllər barəsində onların əlləri Bizimlə danışar, ayaqları isə şəhadət verər”.
5-İki mələk;
Qur`anda "İnfitar” surəsinin 10-cu ayəsində buyurulur: "Şübhəsiz, sizin üstünüzdə gözətçi mələklər vardır”.
6-Əməl kitabı;
"Casiyə” surəsinin 29-cu ayəsində buyurulur: "Bu, bizim kitabımızdır (sizin əməl dəftərinizdir). O sizinlə haqqı danışar. Biz sizin etdiyiniz əməlləri (orada mələklərə bir-bir) yazdırmışıq!”
7-Peyğəmbərlər və imamlar (ə);
"Nisa” surəsinin 41-ci ayəsində buyurulur: "Hər ümmətdən (peyğəmbərini) əməllərinə şahid gətirəcəyimiz və səni (Peyğəmbəri) də onlara şahid tə`yin edəcəyimiz zaman halları nə cür olacaq?”
İmam Sadiq (ə) buyurub: "Bu ayə Rəsulullahın (s) ümməti barədə nazil olubdur ki, hər əsrin (dövrün) özünün İmamı (ə) vardır və onların əməlinə şahiddir. Həzrət Məhəmməd (s) biz İmamlara (ə) da şahiddir”.
8-Rəhman Allah;
Hər şeydən öncə bizim hamımız Allahın hüzurundayıq və O bizim əməllərimizə şahiddir. "Yunus” surəsinin 61-ci ayəsində buyurulur: "Siz nə iş görsəniz, Biz ona şahidik”.
Tanınmış təfsir alimi Əllamə Bursəvi, bu gözətçilər barəsində bir neçə məqamı bəyan etdikdən sonra deyir: "Ey günahkar! Bütün bu gözətçilər və şahidlər barədə nə düşünürsən və nə edəcəksən?”
Bəli, bu, bizim böyük Allah qarşısındakı vəziyyətimizdir. Əlbəttə gərək naümid olmayaq. Çünki Allahın rəhməti qəzəbindən böyükdür. Nə qədər ki, möhlət verilib, gərək ondan istifadə edərək məs`uliyyət hiss edib, vəzifəmizi yaxşı yerinə yetirək və tövbə suyu ilə öz günahlarımızı yuyaq. Çünki Allah-təala buyurub: "Əgər Mənim bəndəm bir saat Mənə hüsni-zənn (yaxşı güman) etsə, onu Cəhənnəm odu ilə qorxutmaram”.
Belə halda şübhəsiz, bu gözətçilərin yanında üzüağ olarıq. Gərək heç vaxt Allahın rəhmətinə sui-zənndə (pis gümanda) olmayaq. Bu, böyük günahlardan sayılır. Bu göstərişləri və əməlləri yerinə yetirməklə qadınlar da çətinlikdən nicat taparlar.
Ümidvarıq ki, qadınları çətinlikdən və acı hadisələrdən qurtarmaq üçün xeyirxahlıq və məs`uliyyət hissi ilə yazılmış bu kitab, onların həyatında müsbət rol oynayan bir əsər olacaq.
Kitabın adı: İslamda qəhrəman qadınlar
Müəllif: Məhəmməd Məhəmmədi İştihardi
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6704
Bu gün: 0
