Aləmi heyran edən Zəhra (s.ə)
İmam Mehdi (ə.c) buyurub:
"Allah Rəsulunun (s) qızı Fatimə (s.ə), örnək və ən gözəl ülgüdür.”
Bir alim bunu çox gözəl şəkildə izah etmişdir. O deyir: "Baxın, İslam Peyğəmbəri (s) buyurmuşdur: "Oğlan uşağı nemətdir qız isə rəhmət" Və "Hesab günü" Allah Öz neməti haqda sorğu-sual edər, lakin rəhməti haqda yox. Başqa sözlə o, qız övladının necə rəhmət olmasını belə təsvir edir. Bu bir hədisdir. Peyğəmbər (s) digər hədisi budur ki, "Xəndək" döyüşündə İmam Əli (ə), Əmr in Əbdəvədlə vuruşmağa gedərkən, o zaman onunla döyüşə bilən heç kim yox idi və hər şey İmam Əlinin (ə) həmin döyüşündən aslı idi.
Həmin vaxt Peyğəmbər (s) buyurdu;"İndi kamil iman, tamam küfrə qarşı savaşmaq üçün irəli çıxıb". Belə ki, bir hədisdir.
Peyğəmbər (s) digər hədisdə buyurur :"Kişinin imanı evlənməyincə kamil olmaz" Nə zaman ki, evlənər, imanı tamam olar. Peyğəmbərdən (s) digər hədis budur: "Uşaqları üçün ananın ayaqlarının altı cənnətdir". Digər hədis Peyğəmbərdən (s) budur ki, "Həsən və Hüseyn cənnət cavanlarının ağasıdır". Quran ayəsi Buyurur:"(Ey Rəsulum!) Biz səni aləmdəkilər üçün yalnız bir rəhmət üçün göndərmişik "("Ənbiya", 107) İndi (ayə və hədislərin) hamısını bir yerə yığın və bunların işığında Fatiməni (s.ə) görün. Atası üçün qızı rəhmətdir. Peyğəmbər (s) aləmlər üçün rəhmətdir. Fatimə (s.ə) aləmlərə rəhmət olan üçün rəhmətdir. Əli (ə) tamam imandır, lakin kişinin imanı evlənərkən tamam olur. Fatimə (s.ə) tamam imanın imanını tamamlayır. Həsən (ə) və Hüseyn (ə) cənnət cavanlarının ağasıdır. Lakin Fatimənin (s.ə) ayaqları Həsən və Hüseyn üçün cənnətdir. Bəs siz necə təsəvvür edirsiniz, bir xanım ki, özü aləmlərə rəhmət olana rəhmətdir. Kim tamam imanın imanını tamamlayır?
Kimin ayaqları cənnət cavanlarının ağalarının cənnətdir?
Müəllif: Şeyx Xəlil Cəfər