Allahın salamı və rəhməti üzərinizə olsun.Bu videoya baxanda bir çox istifadəçilər üçün tanış olacaq.Çünki sayta əlavə edilmişdi.Yenidən bu kadrların əlavə olmasının səbəbi isə əlacsız qalan ananın saytımıza yenidən müraciəti olmuş və vəziyyətlərinin daha acınacaqlı olduğunu qeyd etmişdir.Əlacsız qalan ananın müraciətini və səs yazısını diqqətinizə təqdim edirik.

Əlacsız ananın fəryadı

Qurban olduğum Allahın adı ilə. Hər kəsə üz tuturam. Uzun illərdir çəkdiyimiz fiziki və mənəvi vəziyyətlər tükənmək bilmir. Hamısı Rəbbimizin sınağıdır. Səbr edərək dözürük. Ancaq nə qədər dözsək də,vəziyyətimiz bir az da pisləşir. Odur ki, insanlara üz tutub kömək istəyirik. Perinotol  ensefalopatiya, psixi-fiziki inkişaf geriliyi və göz dibində miopik astiqmatezin diaqnozları ilə doğulub, müalicələri bitib-tükənmək bilməyən yeganə qızımızın müalicə xərcləri onsuz da kasıb olan vəziyyətimizi bir az da   çətinləşdirir. Özüm də 2 dəfə qadın xəstəliyindən əməliyyat  keçirmişəm və bu yaxınlarda (17 dekabr 2015) 3-cü əməliyyatımda öd kisəsi götürüldü. Olimpiya oyunları vaxtından həm özüm, həm yoldaşım işdən ixtisara düşmüşük. Özümüz də kirayədə qalırıq. Vəziyyətimiz o qədər ağırdır ki, başımızı itirmişik. İşsiz həyat yoldaşım qalıb xəstə uşaqla, xəstə qadının əlində. Uşağın mülicələri yığılıb qalır, özüm də fiziki qabiliyyətimi hər dəfəki əməliyyatdan sonra bir az da itirirəm. Üstəgəl kirəni ödəyə bilmədiyimiz üçün qışın günü ev yiyəsi bizi evdən çıxarır. Mən əməliyyatdan yeni çıxmışam, axı nə edim? Qızımın illərlə aparılan mülicə borcları o qədər çox idi ki, işlədiyimiz zaman banklardan pul götürüb onları vermişdik. İxtisara düşəndən sonra  bu yükdə üstümüzdə qalıbdır. Mən vəziyyətin hamısını yazsam yer tutmaz. Lakin qısaca bildirirəm ki, xeyirxah, ürəyində insafı olan insanların köməyinə ehtiyacımız var. Allahın adı ilə hər birinizə üz tutub yalvarıram ki, kimin imkanı varsa bizə köməklik göstərsin. Əməliyyatdan əvvəl yenicə bir iş tapıb işləyirdim ki, əməliyyata düşdüyüm üçün işdən çıxardılar. Həyat yoldaşım bir fəhləlik belə tapmadığından beli bükük qalıb. Onu da bir iş yiyəsi olması üçün kimin imkanı olsa əsirgəməsin. Başqa cür biz nə edək, ancaq vəziyyətdən çıxmaq üçün bizə kömək edin. Bir daha ürəyində Allah sevgisi , rəhmi və imkanı olan insanlara üz tuturuq. Bizə kömək etməsəz də heç olmasa xəstə qızımıza kömək edin. Uşaq bizim düşdüyümüz vəziyyətdən o qədər stres və əzab çəkir ki , onsuz da sağlam olmayan vəziyyəti bir az da pisləşir.

Əlaqə saxlamaq üçün

Ad: Bəbirova Elnaz.

Ünvan:Yeni Yasamal,Əsəd Əhmədov ,Yarımçıq binanın ətrafı

Telefonlarımız: 051 544-21-37,  051 795-34-68