İslam dini Əmirəl-möminin (ə) vilayəti ilə kamilliyə çatdı
Qədir-Xum elə bir gündür ki, dinimizin kamil olması ona aiddir. Bu
gün – dünyanın hər bir yerində, bütün coğrafi mövqelərində ağıllı, düşüncəli, vicdanlı insanların qəlblərini fəth edən, dünyanın
hər bir qarışında insanların qəlblərində minarələr və azan səsi
ucaldan İslam dininin kamilliyə çatdığı bir gündür. O dinimiz ki,
onun məntiqi, əxlaqı, təmizliyi bütün dünyanı aciz
qoymuşdur.Bütün bunlara rəğmən Avropalaşma iddiasında
olanların bəzisi öz islami dəyərlərindən faydalanmaqdansa
humanist təriqətinə, Avropa nasistliyinə və faşizminə qayıtmış və
hələ də öz missiyalarında israrlıdılar. Sözü gedən şəxslərin çıxış
yolları qalmadığından, dəlilsiz, məntiqsiz qaldıqlarına görə təkcə
minarələr ucaltmağı və bu kimi islami rəmzlərə malik olan işləri
qadağan etməklə İslamı zəiflətmək fikrinə düşmüşlər. İslam
düşmənləri bu dini zəiflədərək məhv etmək istəsələr də öz mənfur
niyyətlərinə çatmamışlar. Çünki Allah Taala Quranda İslam dininin
kamilləşməsini və məhz kamilləşdirdiyi İslamı qoruyacağını öz
öhdəsinə götürmüşdür.
Bu sadalanan amillərlə kamilləşmiş İslam dini bir din olaraq
addım ba addım Ərəbistan yarımadasını əhatə etmiş və sürətlə
öz əhatə dairəsini genişləndirdi. Dünyanın hər bir yerinə yayılmış
və yayılacaq. Və bu gün İslamın rəmzlərini zahirdə məhv etmək
istəsələr də, qəlblərdə heç kim heç nə edə bilməyib və heç bir
zaman edə bilməyəcək. Dünyada sökülən məscid və minarələrin
sayı nə qədər çox olsa da sağlam düşüncə və vicdan sahiblərinin
qəlblərində İslama məhəbbət ruhiyyəsi daha da artmaqda
olduğunun şahidiyik.
Kitabın adı: Qədir-xum ilə tanışlıq
Müəllif: Hacı Əhliman Rüstəmov